Search

You may also like

Covid-19: E Réckbléck op d’Woch vum 28. Dezember an 3. Januar
Neiegkeeten

Covid-19: E Réckbléck op d’Woch vum 28. Dezember an 3. Januar

Aus dem Bilan vun der Santé geet ervir, datt, sech

What the Fakt – RTLplus start zu Lëtzebuerg duerch
Neiegkeeten

What the Fakt – RTLplus start zu Lëtzebuerg duerch

RTL gehéiert zur Geschicht vun eisem Land wéi de Gromperekichelchen

18 äiskal Filmer, déi s de fir Chrëschtdag kucke kanns
Neiegkeeten

18 äiskal Filmer, déi s de fir Chrëschtdag kucke kanns

Dir kennt et all: D‘Feierdeeg sinn do, et hockt ee

100 Joer Hiewane-Verband Lëtzebuerg: Et bléist e frësche Wand

En Neie Logo fir eng besser Hiewanebetreiung an der Zukunft

100 Joer Hiewane-Verband Lëtzebuerg: Et bléist e frësche Wand

Den 8. Februar huet den Hiewane-Verband Lëtzebuerg (ALSF) säi ronne Gebuertsdag gefeiert, a sech zum Jubiläum en neie Logo gegënnt. De Verband setzt sech verstäerkt fir besser Konditiounen esouwuel bei der Preparatioun vun de Gesetzer, wéi bei de Salairen an, well leider net all d‘Fraen zu Lëtzebuerg de Service vun Hiewanen am vollen Ëmfang an Usproch huele kënnen.

Hiewane-Verband

Dobäi sollten all schwanger oder gebärend Fraen, mee och Mammen a Pappe mat hiren neigebuere Kanner d‘Hëllef vun enger Hiewan an Usproch huelen dierfen. Et ass erwisen, datt duerch eng gutt Betreiung vill Virdeeler opzeweise sinn: manner Fréigebuerten a Keeserschnëtter, mee och sougenannt „vaginal operativ Gebuerten“ an postpartal Depressiounen, kënne besser begleet ginn.

Zudeem sollte schwanger Frae fräi entscheede kënnen, ob si hiert Kand léiwer an der Klinik oder doheem op d‘Welt brénge wëllen. Wat d‘Hausgebuerte betrëfft, esou kéint de Gesondheetssystem zu Lëtzebuerg d‘Konditioune verbesseren. E „Gebuertshaus“ wéi et der schonn am Ausland huet, géif dem Land gutt zu Gesiicht stoen. De Verband setzt sech och fir eng Zäitgeméiss Betreiung an.

Hiewane-Verband

Eng Presidentin déi nach e puer Schluechte mam Gesondheetsminister ophuele muss. D‘Nadine Barthel setzt sech onermiddlech fir besser Konditiounen am grousse Ganzen an, mee och am besonnesche fir d‘Schafe vun engem Gebuertshaus. © ALSF

Well de Beruff net déi Unerkennung huet déi him eigentlech sollt zoustoen, setzt sech ALSF fir en héijere Stellewäert vum Beruff an, a plädéiere fir eng Extensioun vun der Formatioun op 4 Joer, esou wéi d‘Aféierung vun engem Bachelor-Diplom, fir datt och an Zukunft, nach jonk Mënschen sech fir dëse wichtegen a verantwortungsvolle Beruff entscheeden. An deem Sënn alles gudds.

Matgedeelt vun der ALSF, aus dem däitschen Iwwersat vum Laure Schlesser

Foto: Eng kleng awer äerdeg Equipp. Den Hiewane-Verband huet e Freideg säin 100. Gebuertsdag gefeiert. Béi dëser Geleeënheet ass de neie Logo virgestallt, an eng Rei Fuerderungen a Richtung Gesondheetsminister virgeluecht ginn. D‘Redaktioun vu moien.lu, gratuléiert den Damme fir de Jubiläum. © ALSF

Related topics ALSF, Gebuerten, Gebuertshëllef, Hiewan, Hiewane-Verband, Nadine Barthel
Next post Previous post