Sichen

Dir kéint och nach folgende gefalen

Brasilien: Éischt Massaker an de Favelaen?
International Neiegkeeten

Brasilien: Éischt Massaker an de Favelaen?

De Jair Bolsonaro, Diktaturnostalgiker an erkläerte Faschist, hat während senger

Editorial: Pressehëllef – Broch mam Pabéier?
International Neiegkeeten

Editorial: Pressehëllef – Broch mam Pabéier?

Wann et ëm Pabéier geet, dann ass d’Lëtzebuerger Presselandschaft gutt

Dat soziaalt Europa kënnt virun
International Neiegkeeten

Dat soziaalt Europa kënnt virun

Den 19. Februar ass et zu engem Accord tëscht dem

15. Joer Slowenien an der EU: De Xavier Bettel bei der Zeremonie!

15. Joer Slowenien an der EU: De Xavier Bettel bei der Zeremonie!
© Tamino Petelinšek/STA
15. Joer Slowenien an der EU: De Xavier Bettel bei der Zeremonie!
© Tamino Petelinšek/STA
15. Joer Slowenien an der EU: De Xavier Bettel bei der Zeremonie!
© Tamino Petelinšek/STA
15. Joer Slowenien an der EU: De Xavier Bettel bei der Zeremonie!
© Tamino Petelinšek/STA

Um vergaangene Mëttwoch huet de Premierminister Xavier Bettel an der slowenescher Haaptstad Ljubliana un der Zeremonie „Mosaic of the Future“ deelgeholl. Heibäi ass de 15. Gebuertsdag vum Bäitrëtt vu Slowenien an d’EU gefeiert ginn. De Minister huet heibäi ënnerstrach, datt et him eng grouss Éier ass un dësem wichtege Moment deelhuelen ze kënnen. Ënnert Lëtzebuerger Presidence vum Rot ass nämlech deemools d’Decisioun vum Bäitrëtt getraff ginn.

Bei senger Ried huet de Minister Bettel déi positiv Bäiträg ervir gehuewen, déi Slowenien der EU säit sengem Bäitrëtt garantéiert. Ouni Zweiwel huet d’Land sech net nëmmen als stabil Ekonomie, mee och als pro-europäeschen, zouverlässegen a wäertvolle Partner erausgestallt. Donieft stécht Slowenien och als Stëmm zur Fërderung vun der europäescher Integratioun eraus. An der EU huet d’Land seng Plaz fonnt an stäerkt esou d’Famill vun den Natiounen. Esou erkläert de Xavier Bettel et a sengem Discours.

„Wéi och Slowenien ass Lëtzebuerg iwwerzeegt vun der dréngender Noutwennegkeet den internen Zesummenhalt vun der EU ze stäerken. Mir mussen eis op d’Prinzipien an déi fundamental Wäerter konzentréieren, déi un der Wuerzel vum europäesche Projet leien“, sou de Minister. An dësem Kontext wier et och essentiell enk mat de slowenesche Partner zesummen ze schaffen. Och déi kleng Länner mussen hir Kraaft bündelen a matenee kooperéiere fir esou erfollegräich déi gemeinsam Interessien ze vertrieden.

Fir um europäeschen Niveau de Fortschrëtt ze realiséieren ass ee progressive Leadership noutwenneg. Dobäi ass de Xavier Bettel zouversiichtlech, datt Slowenien sech senger Roll unhuele wäert an am gemeinsamen Interessi bei der zukünfteger Presidence vun der EU am Joer 2021 handele wäert.

Bei dësem Evenement war och een Aarbechtsiesse mam slowenesche Premierminister, dem Marjan Šarec virgesinn. Heibäi ass virun allem iwwert déi bilateral Bezéiung diskutéiert ginn, wéi och iwwert déi gemeinsam Prioritéite fir d’Zukunft vun der EU.

Gëschter ass eise Premier dunn op Sibiu a Rumänien gereest fir um informellen europäesche Rot deelzehuelen. Ziel waren hei éischt Diskussiounen zum strategeschen Agenda vun der EU an der Period 2019-2024.

Fotoen: © Tamino Petelinšek/STA

Ähnlech Sujeten EU, Ljubliana, Mosaic of the Future, Slowenien, Xavier Bettel
Nächsten Artikel Virrechten Artikel