Search

You may also like

De Kampf géint de Chômage sollt iewescht Prioritéit hunn
Auto Kultur Neiegkeeten

De Kampf géint de Chômage sollt iewescht Prioritéit hunn

Den Zuele vun der ADEM no ass am Abrëll 2020

Giel Gileten Akt III: Revendicatioun-Guerilla
Auto Kultur Neiegkeeten

Giel Gileten Akt III: Revendicatioun-Guerilla

De franséische President, Emmanuel Macron, knapps datt hien den enttäuschende

dislike
De Pensiounsregimm gëtt zum Wahlkampfthema
Auto Kultur Neiegkeeten

De Pensiounsregimm gëtt zum Wahlkampfthema

Wann ee sech eens ass, datt de Wuesstem zu Lëtzebuerg

Autoe mat Séil – Den 33. American Car Festival zu Stadbriedemes!

Um vergaangene Weekend war de begierten traditionellen Treffpunkt fir all Besëtzer a Veréierer vun amerikaneschen Autoen. Bei der 33. Editioun vum internationalen American Car Festival zu Stadbriedemes stoung d’Musel nees ganz am Zeeche vun de fuerbare Bléckfänker.

Wien sech dozou entscheet huet un dësen zwee Deeg bis bei d’Schleis un der Wäistrooss ze kommen, deen hätt wuel net mat esou engem risege Site gerechent. E bëssi verstoppt hannert den zuelräiche Verkafs- an Iessstänn konnt een déi schmock amerikanesch Autoen a Motorrieder erblécken. Ganz am Zeeche vum Superlativ huet dann och ee Gefier dat nächst mat Faarf, Presentatioun an Ëmbau iwwertrompt.

Vum Cadillac, Ford Mustang a Chevrolet Camaro, iwwert Corvette a Jeep bis hin zum Pontiac a Chrysler konnt een souwuel vun Autoen, wéi och vu Motorrieder alles fannen. Et huet allerdéngs net nëmmen den zuelräiche Visiteuren eng immens Freed gemaach, fir lénks a riets laanscht d’Gefierer ze schlenderen, Fotoen ze maachen a sech dat Ganzt emol méi no unzekucken. Och d’Aussteller a Fuerer selwer hunn, wéi een et gutt gesi konnt, ee spaassege Weekend ënner Gläichgesënnte verbruecht. Equipéiert mat Zelt, Campingstull a Gesellegkeet hu si quasi eng kleng Vakanz un der Musel verbruecht.

American Car Festival

© Shari Pleimelding/moien.lu

Mat Bensin an der Loft

Ganz besonnesch opmierksam ass ee ginn bei deenen amerikanesche Motorrieder an Autoen, déi mat engem Info-Blat, e puer Accessoiren a perfekter Opstellung déi ideal Presentatioun vun hirem Schmockstéck garantéiere konnten. Do ass een och ouni grouss Kenntnisser gären een Ablack méi laang stoe bliwwen an huet mat senger Begleedung, oder souguer dem Besëtzer selwer, dat eent oder anert Wuert ausgetosch.

Wéi d’Fauscht op d’Aen passt zum amerikanesche Stil natierlech och Blues- an Jazz-Musek, sou wéi de Rockabilly-Look. Do haten d’Organisateure mat zuelräiche Stänn virgesuergt, datt ee vum Kapp bis bei d’Féiss perfekt agedeckt war. Nieft der Moud huet een natierlech och un Ersatzdeeler, Modell-Autoen-Deko-Artikele-Spillsaachen a Bicher sou munchen interessanten Artikel fonnt.

Fir de musikaleschen Encadrement hunn um Samschdeg Phil Riza, d’Gaasserockbluesband a Just Dexter gesuergt. No der traditioneller Ausfaart um Sonndeg ass et Nomëttes weider gaangen mat Live Musek vun The Coal Street Minors. Sollten déi puer Drëpsen, déi vum Himmel gefall sinn, also gestéiert hunn, da konnt ee sech gemitterlech mat eppes ze drénken an ze iessen an d’Zelt bei d’Band setzen.

Do kann ee sech jo elo scho virfreeën op dat nächst Joer!

Related topics American Car Festival, American Roadrunners Luxembourg, Auto, Motorrad, Stadbriedemes
Next post Previous post