Sichen

Dir kéint och nach folgende gefalen

Pipo Peng: t’Franséischt
International Kultur Neiegkeeten

Pipo Peng: t’Franséischt

Virwuert: All Sonndeg gëtt eng Kuerzgeschicht aus dem Liewe vum

E Standuert fir de CIS Beetebuerg/Diddeleng
International Kultur Neiegkeeten

E Standuert fir de CIS Beetebuerg/Diddeleng

Den 20. Mee hat den DP-Deputéierte Gusty Graas bei der

„Ouni Angscht“: Barcelona néng Deeg nom Uschlag
International Kultur Neiegkeeten

„Ouni Angscht“: Barcelona néng Deeg nom Uschlag

Mat Blumen an der Hand… esou ginn haut dausende Spuenier

58. Biennale vu Venedeg – Konscht mat Mënsch a Mier fir Lëtzebuerg!

Eng international Expo vum 11. Mee bis den 24. November 2019

58. Biennale vu Venedeg – Konscht mat Mënsch a Mier fir Lëtzebuerg!
(v.l.n.r.) Kevin Muhlen, Direkter vum Casino Luxembourg – Forum d'Art Contemporain; Sam Tanson, Kulturministesch; Marco Godinho, Kënschtler © Andy Davison Photography
58. Biennale vu Venedeg – Konscht mat Mënsch a Mier fir Lëtzebuerg!
Sam Tanson, Kulturministesch © Andy Davison Photography
58. Biennale vu Venedeg – Konscht mat Mënsch a Mier fir Lëtzebuerg!
(v.l.n.r.) Sam Tanson, Kulturministesch; Marco Godinho, Kënschtler © Andy Davison Photography
58. Biennale vu Venedeg – Konscht mat Mënsch a Mier fir Lëtzebuerg!
(v.l.n.r.) Kevin Muhlen, Direkter vum Casino Luxembourg – Forum d'Art Contemporain; Stilbé Schroeder, Casino Luxembourg – Forum d'Art Contemporain; Marco Godinho, Kënschtler; Sam Tanson, Kulturministesch © Andy Davison Photography

Um vergaangenen Donneschdeg huet eis Kulturministesch Sam Tanson d’Rees op Venedeg ugetrueden, vir de Lëtzebuerger Pavillon bei der 58. Editioun vun der Biennale zu Venedeg anzeweien. Zesumme mam Kënschtler Marco Godinho, dee representativ fir de Grand-Duché ausgewielt ginn ass, huet d’Ministesch d’Qualitéit vun de Wierker ervir gehuewen.

Scho säit iwwer 20 Joer ass Lëtzebuerg mat engem Pavillon bei dëser riseger a renomméierter internationaler Ausstellung vun zäitgenëssescher Konscht an der italienescher Stad mat dobäi. Elo ass et um Marco Godinho eist Land ze vertrieden. Heivir huet hie säi Projet „Written by Water“ ausgewielt, dee sech op d’Kontinuitéit vun der kënschtlerescher Demarche an d’Relatioun tëscht Mënsch a Mier spezialiséiert. Als Quell vun diverse geféierlechen a romanteschen Erzielungen, sou wéi als geopolitesche Spillterrain faszinéiert d’Mier net nëmmen de Kënschtler a seng eege Konscht.

Venedeg

Written by Water vum Marco Godinho

An dësem Kader huet d’Sam Tanson sech immens houfreg gewisen, bei dësem Evenement dierfe mat dobäi ze sinn an d’Invitéën an der fantastescher Sale d’Armi begréissen ze dierfen. „De Vertrag, deen 2017 tëscht dem Lëtzebuerger Staat an der Fondazione La Biennale di Venezia ënnerschriwwe ginn ass, weist den onbesträitbaren Engagemeng vu Lëtzebuerga sengem Ministère fir Kultur vun der Konscht, der Architektur an der Konscht u sech“, sou d’Ministesch.

Et soll fir eng éischte Kéier sinn, datt Lëtzebuerg de sougenannte Ca’ del Duca – wou eist Land säit 1999 seng Ausstellung presentéiert huet – verléisst, fir un der internationaler Ausstellung vun zäitgenëssescher Konscht an der Sale d’Armi, direkt am Häerze vun Arsenal deelzehuelen. Der Kulturministesch gehéiert hei de Mandat an de Forum d’Art Contemporain ass responsabel fir d’Organisatioun an d’Koordinatioun vum Projet.

Ähnlech Sujeten Biennale vu Venedeg, Casino, Kevin Muhlen, Konscht, Kulturministère, Marco Godinho, Sam Tanson
Nächsten Artikel Virrechten Artikel