Sichen

Dir kéint och nach folgende gefalen

Ofschlossexamen fir Technique a Classique: 3.479 Schüler trieden un!
International Neiegkeeten

Ofschlossexamen fir Technique a Classique: 3.479 Schüler trieden un!

Um 20. Mee fänken déi schrëftlech Ofschlossexamen am Enseignement Classique

Ried zur Lag vun der Natioun: Éischt Reaktiounen
International Neiegkeeten

Ried zur Lag vun der Natioun: Éischt Reaktiounen

Wann den Debat an der Chamber zur Ried vun der

Gala-Fussball zu Gonschte vun der Europäescher Vereenegung géint Leucodystrophien
International Neiegkeeten

Gala-Fussball zu Gonschte vun der Europäescher Vereenegung géint Leucodystrophien

Virun néng Joer hat sech de Stade Josy Haupert zu

Eng Majoritéit vun de Fransouse géint d‘Reform vum Aarbechtsrecht

Eng Majoritéit vun de Fransouse géint d‘Reform vum Aarbechtsrecht

Laut dem Sondage vun „Harris interactive“ fir RMC (Radio Monte Carlo) an Atlantico, sinn 58% vun de Fransousen net mat den Ordonnancen, déi d‘Aarbechtsrecht reforméieren, averstanen. Bei genauer Betruechtung vun den Zuelen, muss een dann awer feststellen, datt d‘Wieler vum Macron, d‘Reform zu 82% begréissen.

Eng gréisser Majoritéit vun de befrote Persounen (71%) fäert, datt mat de Reformen d‘Matsproocherecht vun de Gewerkschaften an den Entreprisë condamnéiert ass. Fir 54% vun de sondéierte Persounen ass mat enger Verschlechterung vun den Aarbechtskonditiounen ze rechnen.

Nëmmen 43% vun de Leit gleewen, datt d‘Reformen d‘Kompetitivitéit vun den Entreprisë verbessert. 36% sinn der Meenung, datt mat de Reformen de wirtschaftleche Wuesstem sécher gestallt ass. Nach just 31% kënnen sech virstellen, datt mat de Reformen de Chômage reduzéiert gëtt.

Den ugeschwate Sondage ass online den 31. August bei engem Echantillon vun 1.004 Persounen déi iwwer 18 Joer al sinn gemaach ginn. Déi wier, no der Methode vun de Quoten, representativ.

Mam zweeten och net besser

Am Sondage „Odoxa“ fir de Figaro a franceinfo, dee virum bekannt gi vun den Ordonnancë gemaach gouf, sinn 52% vun de Befroten der Meenung: „datt eng Reform vum Aarbechtsrecht den Zougang zur Aarbecht verbesseren an d‘Aktivitéit vun den Entreprisë favorabel beaflosse kann“.

Gefrot zu verschiddene Mesuren, déi am Regierungsprojet festgehale sinn, hunn sech 57% net domadder averstanen erkläert, d‘Entschiedegungen am Fall vun enger net berechtegter Kënnegung ze plafonnéieren.

70% awer ënnerstëtzen zwou aner Mesuren, déi an den Ordonnancen ogefouert sinn: „d‘Erweiderung vum CDI op aner Secteure wéi deem vum Bau“ an „d‘Méiglechkeet fir kleng Entreprisen, en Accord mat engem Personalvertrieder ofzeschléissen, och wann dee keng Gewerkschaft representéiert“.

Um Donneschdeg verëffentlecht, war den Sondage Odoxa och online, den 30. an 31. August, bei engem Echantillon vun 995 Persounen déi iwwer 18 Joer al sinn gemaach ginn. Och dese Sondage wier, no der Methode vun de Quoten, representativ.

Ähnlech Sujeten Aarbechtsrecht, Emmanuel Macron, Frankräich, Sondage
Nächsten Artikel Virrechten Artikel