Sichen

Dir kéint och nach folgende gefalen

Wat d‘BILD ënnert Journalismus versteet
Neiegkeeten

Wat d‘BILD ënnert Journalismus versteet

Sech net méi mam G20-Sommet ze befaassen, just wëll dësen

Däitschland: D‘Genossen entscheeden sech fir eng grouss Koalitioun
Neiegkeeten

Däitschland: D‘Genossen entscheeden sech fir eng grouss Koalitioun

Op de Choix e gudde war, dat léisst sech op

Selbstbestëmmung ass kee Verbriechen!
Neiegkeeten

Selbstbestëmmung ass kee Verbriechen!

De Prozess deen d‘Regierung zu Madrid géint déi katalanesch Separatiste

70 Joer NATO: Et gëtt héich Zäit, de Krichspakt opzeléisen

70 Joer NATO: Et gëtt héich Zäit, de Krichspakt opzeléisen

Déi „Nordatlantesch Vertragsorganisatioun“, déi am Joer 1949 ënnert der Bedeelegung vu Lëtzebuerg gegrënnt ginn ass, huet gëschter säi 70. Joresdag gefeiert. Entgéint wuelkléngende Rieden iwwer „Sécherung vum Fridden“ an „Verdeedegung vun de westleche Wäerter“ mécht sech d‘NATO dorun, eng nei Rëschtungsspiral unzeheizen an de Konflikt mat Russland ze verschäerfen.

Spéitstens mam Ugrëffskrich zur Spléckung vu Jugoslawien viru genee 20 Joer, huet d‘NATO däitlech gemaach, datt si kee „Verdeedegungsbündnis“ mee eendeiteg e Krichsbündnis ass. Dat gouf dann nach eng Kéier duerch d‘Bedeelegung vun der NATO a hire Memberlänner un de Kricher an Afghanistan, am Irak, Libyen an den Ament och a Syrien ënnerstrach.

Am Widdersproch zur deemoleger Ukënnegung, huet d‘NATO no der eesäiteger Opléisung vum Warschauer Vertrag 1990, säi Gebitt systematesch no Osten ausgebreet. NATO-Truppe stinn haut – mat der Bedeelegung vu Lëtzebuerg – onmëttelbar un der grenz zu Russland, veranstalte Manöver am Ostséiraum an am Schwaarze Mier, an ënnerstëtzen de Regime vu Kiew beim unheize vun de Spannunge mat Russland.

D‘Memberlänner vun der NATO hunn fir Militärbudgeten op bis ewell onbekannt Rekordzommen eropgeschrauft an hu sech verflicht, weider honnerte Milliarde fir Rëschtung a Krich auszeginn. Si weigeren sech, dee bei de Vereenten Natiounen (UNO) virleiende Vertrag zum Verbuet vun Atomwaffe bäizetrieden a plangen d‘Entwécklung an d‘Stationéierung vun neien atomare Massevernichtungswaffen.

D‘KPL fuerdert am Kontext vum 70. Grënnungsdag vun der NATO:

  • de Réckzuch vun allen NATO-Truppe vun de Grenzen zu Russland, d‘Schaffe vun engem System vun der kollektiver Sécherheet an Europa;
  • eng drastesch Reduzéierung vum Militärbudget;
  • d‘Ënnerzeechnung vun UNO-Vertrag iwwert de Verbuet vun Atomwaffen duerch all d‘Staaten, déi am Besëtz vun dëse Waffe sinn.

Déi Kommunistesch Partei Lëtzebuerg ass der Meenung, datt de 70. Joresdag vun der NATO eng gutt Geleeënheet ass, dëst Krichsbündnis endgülteg opzeléisen.

An dësem Sënn rifft d‘KPL all d‘Mënschen am Land op, déi sech fir de Fridden asetze wëllen, sech aktiv um Ouschtermarsch dëse Samschdeg 6. Abrëll zu Lëtzebuerg ze bedeelegen.

Matgedeelt vun der KPL, aus dem däitschen iwwersat vum Laure Schlesser

Ähnlech Sujeten Friddensmarsch, FriSol, Jubiläum, KPL, NATO, Ouschtermarsch
Nächsten Artikel Virrechten Artikel