Sichen

Dir kéint och nach folgende gefalen

Däitschland zitt Diplomaten aus Nordkorea of
Geek International Neiegkeeten

Däitschland zitt Diplomaten aus Nordkorea of

Bei sengem Besuch zu Washington, huet den däitschen Ausseminister matgedeelt,

The Lasagners mat “Alles gëtt gutt” – Einfach emol Merci soen!
Geek International Neiegkeeten

The Lasagners mat “Alles gëtt gutt” – Einfach emol Merci soen!

Um Ouschterméindeg ass op YouTube ee ganz besonnesche Cadeau presentéiert

Wäilies op der Musel: Vinsmoselle mat neiem Rekord
Geek International Neiegkeeten

Wäilies op der Musel: Vinsmoselle mat neiem Rekord

Wéi de Landwirtschaftsminister sech leschten Dënschdeg op d‘Musel beginn huet,

geek

Iwwer 3 Milliarde Fake-Accounts bei Facebook geläscht

Iwwer 3 Milliarde Fake-Accounts bei Facebook geläscht

Mat engem Blogpost, huet Facebook gëschter d‘Community informéiert, datt d‘Entreprise sech mat de gefälschte Konte schwéier deet. Si hätten eng richteg „Schwämm“ ze bekämpfen, heescht et. An d‘Zuele sinn deels erschreckend. Waren et am leschte Quartal 2018 nach 1,2 Milliarde Konten déi hu misse geläscht ginn, esou sinn am 1 Quartal vun 2019 schonn 2,2 Milliarde Konte gespaart ginn.

Wéi et heescht, géifen Onbekannter mat automatiséierte Systemer versichen op Facebook masseg gefälschte Benotzerkonten unzeleeën. Dat bekämpfen d‘Sécherheetsleit vum sozialen Netzwierk a wéi et heescht, wieren déi meescht vun dëse Konte kuerz nom Erstellen entdeckt a gespaart ginn. Et ass ee Kampf dee vu Facebook vill Ressource fuerdert, mee deen awer muss gefouert ginn.

Ëmmerhin ass Facebook – mat ronn 2,4 Milliarden aktive Benotzer weltwäit – dat gréisste soziaalt Netzwierk. Eegenen Aussoen no, wieren 5% vun den Accounts gefälscht. Konten déi zum groussen Deel fir Bedruch an/oder Beaflossung genotzt géifen. Wéi vill staatlech gesteiert „Déngschter“ sech bedeelegen ass net gewosst, mee wéi ëmmer gëtt hei a Richtung Russland a China gedeit.

Zudeem muss sech den amerikanesche Konzern ëmmer nees virwerfe loossen, net genuch fir d‘Sécherheet vu senge „Memberen“ ze maachen. Säitens der EU-Kommissioun war Facebook zudeem opgefuerdert ginn, sech méi a virun allem besser ëm déi ominéis Falschmeldungen ze këmmeren. Dat ass verhältnesméisseg schwiereg an do gëtt et jo och nach d‘Meenungsfräiheet…

mat indymedia/sfo

Foto: Fake-Accounts ginn oft genotzt fir „Gewënnspiller“ oder aner kommerziell Facebooksäite kënschtlech ze ënnerstëtzen. Dat erkennt een och an der Chronik vun dësen Accounts. Wa sech beispillsweis ganz vill gedeelten Inhalt op Gewënnspiller oder „Aktiounen“ bezéien, da sollt et virsiichteg sinn, wëll e „gewéinlechen“ User verhält sech einfach net esou. Denys Vitali /Pixabay

Ähnlech Sujeten Facebook, Fake Accounts, Fake News, Meenungsfräiheet, Zensur
Nächsten Artikel Virrechten Artikel