Search

You may also like

money
ULC wëll sech dem Diktat vun de Banke mat enger Petitioun erwieren
Neiegkeeten

ULC wëll sech dem Diktat vun de Banke mat enger Petitioun erwieren

Den ULC-President Nico Hoffmann war um Donneschdegmueren nees zolidd „gelueden“,

Eng erfollegräich Staffel mam Elmar Sprink a Sabrina Mockenhaupt beim Frankfurter Marathon
Neiegkeeten

Eng erfollegräich Staffel mam Elmar Sprink a Sabrina Mockenhaupt beim Frankfurter Marathon

Beim Frankfurter Marathon konnten den pjuractive härztransplantéierten Ironman-Finisher Elmar Sprink

EU-Ausseministersommet zu Iran a Libyen
Neiegkeeten

EU-Ausseministersommet zu Iran a Libyen

Beim Sommet vun den Ausseminister stoung eng grouss Fro am

Situatiounsiwwersiicht vum Aarbechtsmaart

Enn Juni waren zu Lëtzebuerg 19.876 Demandeuren op der ADEM ageschriwwen

Situatiounsiwwersiicht vum Aarbechtsmaart

Wann et ze erwaarde war, dat eng vun de Folge vun der sanitärer Kris, och d‘Hausse vum Chômage ass, esou wäert sech d‘Lag am Kontext vun der bevirstoender Wirtschaftskris net verbesseren. Dat ass och dem Fait geschëlt, datt elo am Juli, ganz vill jonk Mënsche wäerten op den Aarbechtsmaart kommen, wëll si hir Studien ofgeschloss hunn.

An da muss beduecht ginn, datt d‘Kuerzaarbecht, déi jo op all d‘Secteuren ausgewäit ginn ass, elo och op en Enn geet. Den Aarbechtsminister Dan Kersch (LSAP) huet dann och keen Heel dorausser gemaach, dat bezunn op de Chômage, déi schwiereg Zäiten eréischt op eis duer kommen. Am Juni hat et am verglach zu 2019, eng Hausse vun 32,2% ginn.

Am Juni goufen op der ADEM 1.898 nei Dossieren opgemaach, wärend d‘Zuel vun den Dossieren déi konnten zougemaach ginn, signifikant ofgeholl huet, och hei bezunn op de Verglach zu 2019. D‘Zuel vun de Residenten déi Demandeur sinn, huet ëm ronn 3.000 Unitéiten zougeholl, a läit elo bei iwwer 10.000 Unitéiten. D‘Aarbechtsmesuren huelen dann och of.

Mat der wirtschaftlecher Reprise huet et allerdéngs och nees méi oppe Stelle ginn. Am Verglach zu 2019 muss een hei awer eng Baisse vu 16,5% notéieren. Déi den Ament am stäerkste betraffe Leit sinn déi Jonk ënner 30 Joer. Hei si ronn 4.400 Mënschen op der Sich no enger Schaff (+52% géintiwwer 2019), mee och déi aner Altersklassen si betraff.

Beonrouegend ass och d‘Feststellung, datt mëttlerweil ronn 4.800 Demandeuren en Diplom aus dem Enseignement Superieur (Héichschoul) hunn (+44,3%). Bei Secondaire Superieur läit d‘Hausse bei +37,7%, beim Secondaire Inferieur sinn et 23,5%. Gläichzäiteg ginn awer ëmmer méi héich qualifizéiert Mataarbechter vun Industrie a Wirtschaft gefuerdert.

A wien dat nach net genuch schlecht Nouvelle sinn, esou muss och nach op déi vill schon an Ugrëff geholl Sozialpläng verwise ginn. Woubäi hei déi bevirstoend, wéi beispillsweis bei der Luxguard nach ausstinn. Et dierft also net schwéier ze verstoe sinn, datt do nach ganz rau Zäiten op eist Land duerkommen. D‘Gewerkschaften si jiddefalls alarméiert.

Illustratioun: © Chris Liverani / unsplash

Related topics ADEM, Chômage, Covid19- Kris, Demandeuren, Wirtschaftskris
Next post Previous post