Sichen

Dir kéint och nach folgende gefalen

Ee Mëttel géint HIV – ass et endlech esou wäit?
Neiegkeeten

Ee Mëttel géint HIV – ass et endlech esou wäit?

No enger Stammzellentransplantatioun konnte bei engem Patient zu London keng

De SNE/CGFP hëlt Stellung zum Koalitiounsaccord
Neiegkeeten

De SNE/CGFP hëlt Stellung zum Koalitiounsaccord

D’Resultater vun de Wahle vum 14.Oktober hunn zum Fortféiere vun

dislike
Europa mécht Fortschrëtter, mee d’Frae verdéngen ëmmer nach manner wéi Männer
Neiegkeeten

Europa mécht Fortschrëtter, mee d’Frae verdéngen ëmmer nach manner wéi Männer

Vir all Euro, deen d’Männer verdéngen, verdéngen d’Fraen nëmmen 84

ADEM vereinfacht d‘Aschreiwen

ADEM vereinfacht d‘Aschreiwen

Fir et de Leit, déi sech um Aarbechtsamt (ADEM) aschreiwe mussen, soll de System esouwuel méi einfach wéi och eppes méi bequem ginn. Dofir moderniséiert d‘ADEM seng Prozeduren.

Säit gëschter mussen déi Leit, déi sech wëllen um Aarbechtsamt aschreiwe fir eng Schaff ze fannen, net méi physesch an eng vun de siwen Agencen am Land beginn. Elo geet et duer wann een am „Kontakt-Zenter“ vun der ADEM urifft, oder online e Formulaire ausfëllt fir sech e Rendez-vous ze froen. D‘Leit kréien dann e Bréif oder eng e-Mail geschéckt, an där: Uert, Datum an Auerzäit vum Termin enthale sinn. Do kritt de „Client“ och erkläert wéi eng Dokumenter hien derbäi soll hunn.

Datt een elo e richtegen Termin um Aarbechtsamt ka sollicitéieren ass u sech eng gutt Saach. Net nëmmen datt de „Client“ net muss stonnelaang an enger Agence sëtze fir un den Tour ze kommen, elo weess dann och de „Conseiller“ wéi vill Zäit hie fir de „Client“ arechne muss.

Fir d‘Direktesch vum Aarbechtsamt, Isabelle Schlesser, ass dëst ee wichtegt Element dat zur Effektivitéit vun der Institutioun bäidréit. „Wat d‘ADEM besser iwwert d‘Qualifikatiounen, d‘Beruffserfarung an d‘Wënsch vum Demandeur informéiert ass, wat et méi einfach ass dësem en zougeschniddenen Encadrement unzebidden“, heescht et am Communiqué. Dat ass modern an Innovativ. Dee nächste Schratt wäert dann d‘Videokonferenz mam Placeur sinn…

Fir de Rendez-vous soll een sech dann: iwwert den Telefon 247 88 8 88 (vu Méindes bis Freiden – vun 8 bis 12 Auer a vun 13 bis 17 Auer) umellen, oder wien et online léiwer huet, kann säin Termin ënner www.adem.lu/inscription ufroen.

Ähnlech Sujeten Aarbechtsamt, ADEM, Chômage, Demandeuren, Isabelle Schlesser
Nächsten Artikel Virrechten Artikel