Sichen

Dir kéint och nach folgende gefalen

Mobbing ass un eise Schoulen keng Seelenheet – an d’Opfer wëssen sech oft net ze hëllefen!
Neiegkeeten

Mobbing ass un eise Schoulen keng Seelenheet – an d’Opfer wëssen sech oft net ze hëllefen!

Fir vill Schüler ass et eng deeglech Realitéit: Si gi

An den USA ass d‘Korrespondenz vun enger Journalistin saiséiert ginn
Neiegkeeten

An den USA ass d‘Korrespondenz vun enger Journalistin saiséiert ginn

An den USA sinn d‘Organisatiounen zur Verdeedegung vun der Pressefräiheet

Luxembourg Mini Maker Faire: Réckbléck
Neiegkeeten

Luxembourg Mini Maker Faire: Réckbléck

Zefridde bléckt de Christian Moll, ee vun den Organisateure vun

Eestëmmegkeet bei Steierfroen an der EU: Gëtt Lëtzebuerg no?

Eestëmmegkeet bei Steierfroen an der EU: Gëtt Lëtzebuerg no?

Am Abléck ginn op EU-Niveau Diskussioune gefouert, fir d’Eestëmmegkeet bei Steierfroen opzeginn. Fir Lëtzebuerg als klengt Land war dës Eestëmmegkeet ëmmer vu grousser Wichtegkeet.

Dëst war bis elo och politesch eng parteiiwwergräifend Positioun vun deene meeschte Parteien an der Chamber. De Finanzminister Pierre Gramegna huet am Numm vun der Regierung deklaréiert, datt och Gambia II bei därer Positioun bleift.

Iwwerraschend ass, datt de Fränz Fayot, President vun der LSAP, der zweetgréisster Gambia-Partei, an engem Interview am Tageblatt ugekënnegt huet, hie wär duerfir, dës Eestëmmegkeet opzeginn. Och de Kandidat fir d’CSV-Presidentschaft Frank Engel huet sech op RTL derfir ausgeschwat, d’Eestëmmegkeet bei Steierfroen opzeginn.

An dëser fir Lëtzebuerg esou wichteger Fro sinn also d’Regierung an och d’CSV sech anscheinend net eens. Wa Lëtzebuerg dës Eestëmmegkeet opgëtt, huet dat déifgräifend Konsequenze fir de Standuert Lëtzebuerg an de Staatsbudget. Doriwwer eraus kann dann an Zukunft bei anere Steiere wéi Lounsteier, Ierfschaftssteier asw. iwwert de Kapp vu Lëtzebuerg ewech decidéiert ginn.

D’ADR hält dofir an der EU um Prinzip vun der Eestëmmegkeet fest, an zwar net nëmmen a Steierfroen.

Matgedeelt vum ADR

adr

Ähnlech Sujeten adr, CSV, Eestëmmegkeet, EU-Steierpolitik, LSAP, Steierfroen
Nächsten Artikel Virrechten Artikel