Sichen

Dir kéint och nach folgende gefalen

Gemengerot Esch-Uelzecht: Schwiereg Verhältnisser, den éischten Akt
Neiegkeeten

Gemengerot Esch-Uelzecht: Schwiereg Verhältnisser, den éischten Akt

E Freideg war déi lescht ëffentlech Sëtzung vum Escher Gemengerot

7 Saachen, déi s du nach net iwwert Fast Food wousst
Neiegkeeten

7 Saachen, déi s du nach net iwwert Fast Food wousst

Haut ass de Fast Food Day. Op mannst an den

Lëtzebuerg zelebréiert den 18. Januar dat chinesescht neit Joer
Neiegkeeten

Lëtzebuerg zelebréiert den 18. Januar dat chinesescht neit Joer

Den Institut „Konfuzius“ vun der Universitéit zu Lëtzebuerg organiséiert de

Géint déi totalitär Fanatsien vun de sechs Lëtzebuerger Europadeputéierten!

Géint déi totalitär Fanatsien vun de sechs Lëtzebuerger Europadeputéierten!

Zesummen hunn déi sechs Lëtzebuerger Europadeputéiert, de 4. Abrëll 2020, eng Erklärung eraus ginn an där si d’Schold fir d’Versoe vun der Europäescher Unioun an där aktueller Corona-Kris eleng de Nationalstaate ginn.

Si probéieren elo d’Kris dofir ze gebrauche, fir der Europäescher Unioun nei Kompetenzen a méi Mëttelen ze ginn déi si bis elo, an deene méi wéi 50 Joer vun hirer Geschicht, aus ville gudde Grënn, net kritt huet. Déi sechs Deputéiert wëllen zum Beispill der EU d’Méiglechkeet gi fi Ausgangsspären a Quarantainen ze verhänken. An d’EU soll och, eise sech EU-Parlamentarier no, iwwert d’Verdeelung vu medezineschem Material, Experten a Medikamenter decidéieren.

Dobäi kommen nach Fuerderungen, déi een och vu ville Säiten héiert wéi e méi groussen EU-Budget, direkt EU-Steieren an eng Vergemeinschaftung vun de Scholden iwwert esou genannt „Corona-Bonds“.

Fir d’ADR ass kloer: weder d’Madamm von der Leyen nach d’Europaparlament däerfe jeemools decidéieren ob zu Lëtzebuerg eng Ausgangsspär ass oder net! Dat sinn Decisiounen, déi nëmmen national Regierungen, déi vu nationale Parlamenter kontrolléiert ginn, däerfen huelen. N et ass och net déi Bréisseler Bürokratie, déi soll däerfen decidéieren wien an Europa nach Medikamenter kritt a wien net!

Fir d’ADR ass kloer: Gesondheetspolitik ass eng national Politik. Awer selbstverständlech muss déi op europäeschem Plang koordinéiert ginn a genee esou selbstverständlech brauch et an Europa eng grouss mënschlech Solidaritéit!

Elo brauche mir ganz séier nees eng pharmazeutesch Industrie an Europa. Déi iwwerdriwwe Globaliséierungspolitik vun der EU muss ophalen!

Nee, Dir Dammen an Hären Europadeputéiert, mir brauchen net méi Mëttele fir d’EU, mir brauchen och keng totalitär Bréisseler Fantasien, mir brauchen einfach nëmmen eng besser an eng méi realistesch Politik!

Matgedeelt vun der ADR

Ähnlech Sujeten adr, Coronakris, Europadeputéiert, Gesondheetspolitik, Globaliséierungspolitik, Medikamenter, Ursula von der Leyen
Nächsten Artikel Virrechten Artikel