Äerdbiewen an Albanien: Lëtzebuerg hëlleft mat 100.000 €

Nom Äerdbiewen an Albanien um vergaangenen Dënschdeg sinn ronn 900 Persoune blesséiert ginn, 51 Mënsche hunn d’Naturkatastroph mam Liewe bezuelt a méi wéi 5.000 Leit hunn hiert Doheem verluer. Den Donnéeën vum Däitsche Geoforschungszentrum no hat d’Biewen eng Stäerkt vu 5,3 erreescht.

Nom Äerdbiewen an Albanien huet dat Roude Kräiz een dringenden Appell no Hëllef ausgeruff. Heizou huet d’Paulette Lenert, Ministesch fir Kooperatioun an humanitär Aktiounen, matgedeelt, datt Lëtzebuerg mat enger Zomm vun 100.000 € den Affer hëllefe wäert. Mat dëse finanzielle Mëttelen sollen Noutënnerkenft ageriicht ginn.

Fir lescht ass et 1979 zu engem ähnlech schlëmmen Ärdbiewe komm: 40 Persoune sinn deemools ëm d’Liewe komm. Um 26. November waren et virun allem d’Regiounen Tirana an Durrës, déi besonnesch schlëmm getraff gi sinn.