Alerte: Bloalgen an der Musel fonnt ginn!

Op verschiddene Plaze konnten un der Musel déi sougenannt Bloalgen, och Cyanobakterie genannt, fonnt ginn. D’Bakterië sinn normalerweis am Waasser present, mee ënnert verschiddene Konditiounen entwéckelen si sech an exzessivem Ausmooss virun, sou datt ee richtege faarwegen Tapis op der Waasseruewerfläch entsteet.

Sinn ze vill vun dëse Bloalgen am Waasser, entsti Gëfter déi gesondheetlech Problemer fir Mënsch an Déier mat sech brénge kënnen. D’Problemer variéieren dobäi jee no Quantitéit vun de Gëfter: Hautirritatioune Kappwéi, Iwwelzegkeet, Krämp, Liewerproblemer a méi kënne resultéieren.

Bis ewell sinn d’Grënn vun der Entwécklung nach net bekannt. Duerch eng erhéichte Waassertemperatur kann et allerdéngs sinn, datt d’Bakterien een anere Wäert un Nierstoffer verschafft hunn. All Kontakt mam Waasser, wou ee faarwegen Tapis drop ze gesinn ass, ass ze vermeiden. Virun allem d’Ofschlécke muss vermeit ginn. D’Recommandatioune gëlle fir Mënsch an Déier.