Sichen

Dir kéint och nach folgende gefalen

Kommandant vun US-Küstewaach verdeedegt Transgender-Personal
Meenung

Kommandant vun US-Küstewaach verdeedegt Transgender-Personal

De Kommandant vun der amerikanescher Küstewaach, Paul Zukunft, huet haut

Huet Trump de Russe geheim Informatioune weiderginn?
Meenung

Huet Trump de Russe geheim Informatioune weiderginn?

Den amerikanesche President Donald Trump ass wëll nees an de

ULC: D’Gesetz vum Taxiwiese muss iwwerpréift ginn!
Meenung

ULC: D’Gesetz vum Taxiwiese muss iwwerpréift ginn!

D’Gesetzesännerung zum Taxiwiesen huet net nëmme positiv Aspekter mat sech

Wat kascht eis d’Innovatioun?

E Kommentar zu Amazon Go

Wat kascht eis d’Innovatioun?

Amazon Go ass grad vill am Gespréich: Den Internetgigant test grad en eegenen Supermarché. De Clou: et gi keng Keese méi, an deenen een sech auschecke misst. Dat kléngt super, an och e bësschen wéi Zauberei. Mee wat kascht eis dës Innovatioun?

Nee, ech schwätzen hei emol net doriwwer, wéi een Afloss dëst op d’Präisser vun der Wuer huet. Et geet éischter ëm d’Aarbechtsplazen, déi et kascht. Schonn elo gi d’Leit, déi an de Keese schaffen, deelweis duerch Selbstbedinnungskeesen ersat. D’Zuel ass nach iwwerschaubar, mee et ass nëmmen eng Fro vun der Zäit, bis nach méi Plazen ofgebaut ginn. D’Experiment vun Amazon, falls et sech dann als zukunftsfäeg erweist, léist bei mir den Alarm aus! Well jiddereen, deen den Algorithmus implementéiere kann, ka sech ganz vill Personalkäschte spueren. Mee net nëmmen dat, och d’Datekrak gëtt ëmmer mi grouss.

De gliesene Client ass en Dram fir Amazon, well un hien kënnen se nach méi liicht nei Produite verkafen. Dëst erméiglecht eng breet Erfaassung vun de Kafgewunnechten.

Schonn elo sammelen d’Supermarché iwwert déi verschiddenst Methoden Donnéeën iwwert eist d’Kafverhalen. Dat och duerch déi sëlleche Kaarten, déi se engem andauernd an de Keese wëllen ubidden. A wat dat ugeet, ass Amazon schonn ëmmer den absolute Musterschüler gewiergt. Et kéint ee soen, datt hire gesamte Geschäftsmodell doropper baséiert, datt Donnéeë vu Cliente gesammelt ginn, fir herno vir nei Reklamme kënnen agesat ze ginn.

Dat ass da wuel och, wéi dës Supermarchéë funktionéiere kéinten. Si analyséieren däi Kafverhalen a schalten dann zilgeriichte Reklammen. Eng richteg Goldminn ass dat! An dem transparente Client kënnt een domat e Stéck mi no, wou een dach mol net genau weess, wat mat all deene Donnéeën esou geschitt.

Gäre gëtt d’Digitaliséierung als eng grouss Chance duergestallt. Dat ass se sécher och. Mee an dësem Fall lount et sech, wéi a bal all anerem och: Wat kascht dat ganzt?

Foto: STEPHEN BRASHEAR / GETTY IMAGES NORTH AMERICA / AFP

Ähnlech Sujeten Amazon, Amazon Go, Digitaliséierung
Nächsten Artikel Virrechten Artikel