Sichen

Dir kéint och nach folgende gefalen

Hamburger Konschtveräin: Einfach emol Dildoen kucke goen!
Meenung

Hamburger Konschtveräin: Einfach emol Dildoen kucke goen!

Um vergaangenen Donneschdeg ass déi bëssi méi speziell Ausstellung vun

Offiziell Aweiung vun der Clausener Schoul
Meenung

Offiziell Aweiung vun der Clausener Schoul

Obschonns déi nei Zentralschoul a Clausen zanter der Rentrée vum

Sozialkonflikt a Frankräich: de Macron versprécht net nozeginn
Meenung

Sozialkonflikt a Frankräich: de Macron versprécht net nozeginn

En Donneschdeg huet de franséische President, Emmanuel Macron, kloergestallt, datt

Amazon keeft d’Rechter fir eng Herr der Ringe-Ëmsetzung – a mécht sech prett fir e Showdown mat Netflix

Amazon keeft d’Rechter fir eng Herr der Ringe-Ëmsetzung – a mécht sech prett fir e Showdown mat Netflix

Ech hu schonn e puer mol op dëser Plaz iwwert d’Streaming Déngschter an hire wuessende Krich geschwat. Elo huet Amazon säin neiste Coup bruecht: fir ongeféier 250 Milliounen Dollar krut de Konzern elo d’Rechter zu Herr der Ringe. Gläich e puer Staffelen sollen produzéiert ginn.

Dat ass net di éischte Kéier, datt Amazon mat Literatur-Ëmsetzungen punkt. Déi éischt grouss Serie déi se selwer produzéiert hunn, Man in the high Castle, ass eng Emsetzung vun engem Philip K. Dick-Roman. Duerno hunn se mat American Gods vum Neil Gaiman fir Opmierksamkeet gesuergt. Et schéngt sech zum Muster ze entwéckelen, erfollegräich Bicher, oder Buchserien, ze huelen, an se ëmzesetzen.

Et hätt een nach ganz vill aner Fantasy-Literatur kënne verfilmen anstatt dee selwechte Bräi nach emol op ze wiermen.

An dach kann dëse Schachzuch e bëssche verwieren. Herr der Ringe ass bekanntlech schonn eng Kéier ëmgesat ginn, a bei all de Virwërf, déi een der Peter Jackson Ëmsetzung konnt maachen: Längt huet net dozou gehéiert. 11 Stonnen an 23 Minutte muss een fir d’Extended Cuts op d’Säit setzen, di meescht Staffelen op Streaming-Déngschter kréien esou vill Zäit net hin. An och wann dem Tolkien säi Wierk grouss an déif ass, muss een sech froen, wéi vill Staffelen Amazon dorausser maache kann. A wéi vill Spin Offs – dovunner gouf jo och scho geschwat.

Et ass och e Schachzuch, deen net wierklech iwwerrascht. Wann Netflix véier Milliarden an eege Produktiounen investéiert, da muss sech Amazon wierklech eppes afale loossen. Als Marketing-Gag war dat dote scho mol guer net sou schlecht. Elo gëllt et ofzewaarden, fir ze gesinn, wat dobäi eraus kënnt. De Peter Jackson hat bei senger Ëmsetzung d’Gléck, de Goût vun der Zäit gutt getraff ze hunn.

Et muss een sech awer och froen, firwat eng weider Ëmsetzung néideg ass. Ginn et net genuch aner Fantasy-Bicher a -Serien, déi een hätt kënnen ëmsetzen? Fir manner Geld? Hei gëtt een d’Gefill net lass, datt et fir d’Éischt um Publicity an dann eréischt ëm Inhalter gaangen ass.

Eis Ëmfro
Please correct any required fields and submit again.
Wat häls du vun enger neier Herr der Ringe-Serie?
This question is required
Ähnlech Sujeten Amazon, Digitaliséierung, Fantasy, Herr der Ringe, Kultur, Literatur, Netflix, Streaming
Nächsten Artikel Virrechten Artikel