Search

You may also like

money
„Fit 4 Resilience“… wat ëmmer dat och heesche soll (Kommentéiert)
Neiegkeeten

„Fit 4 Resilience“… wat ëmmer dat och heesche soll (Kommentéiert)

Luxinnovation ass déi „National Agence fir d‘Innovatioun“ vun der Regierung,

Direktiounsekipp vum CHEM steet
Neiegkeeten

Direktiounsekipp vum CHEM steet

Um Dënschdeg hunn de Verwaltungsrotspresident vum Spidol Emil Mayrisch (CHEM),

OPGEPASST: Eventuell Plastiksstécker bei Champignonen vu LIDL
Neiegkeeten

OPGEPASST: Eventuell Plastiksstécker bei Champignonen vu LIDL

D’Autoritéite vun der Lëtzebuerger Liewensmëttelsécherheet informéieren doriwwer, datt d’Champignonen no

Den Ausseminister Jean Asselborn setzt sech fir d‘Ofschafe vun de Kontrollen un der däitsch-lëtzebuergescher Grenz an

Den Ausseminister Jean Asselborn setzt sech fir d‘Ofschafe vun de Kontrollen un der däitsch-lëtzebuergescher Grenz an

Virum Hannergrond vun de Grenzschléissungen a -kontrollen un den däitsche Landesgrenzen zu Lëtzebuerg, huet sech den Ausseminister Jean Asselborn gëschter an engem Schreiwes un de Bundesinneminister Horst Seehofer gewannt. A sengem Schreiwes geet de Minister Asselborn op déi staark Beanträchtegunge vum grenziwwerschreidenden Zesummeliewen an der regionaler Wirtschaft an, déi duerch déi de 16. Mäerz 2020 nees agefouert Bannegrenzkontrollen entstane sinn.

Laut dem Minister Asselborn stellt d‘Entwécklung vun der epidemiologescher Lag zu Lëtzebuerg a kengster Weis eng Bedreeung fir d‘Nopeschregiounen duer an dofir gëtt et och keen ersiichtleche Grond, déi Bannegrenzkontrollen zu Lëtzebuerg weider oprechtzeerhalen. „Am Géigendeel, déi Grenzschléissungen a Kontrolle verursaachen en ëmmer gréisseren Onmutt an der Bevëlkerung op béide Säite vun der Grenz a riskéieren dat grenziwwerschreidend Zesummeliewen an der Groussregioun dauerhaft ze schiedegen“, esou den Asselborn. Dat gëtt ënnert anerem an engem Bréif verdäitlecht den dräizéng Buergermeeschter aus der Groussregioun un de Minister Asselborn geriicht hunn, deen och un de Bundesinneminister iwwermëttelt ginn ass.

A sengem Schreiwes schwätzt sech de Jean Asselborn dohier géint eng weider Verlängerung vun de Bannegrenzkontrollen aus. „Dat wier net nëmmen e wichtegt Signal un d‘Bierger an eiser europäescher Modellregioun, mee och hisichtlech enger schrëttweiser nees Akraaftsetzung vum Schengener Ofkommes, wellecht eng vun de gréissten Errongenschafte vum europäeschen Eenegungsprozess duerstellt“, esou den Asselborn.

Matgedeelt vum Ausseministère, aus dem Däitschen iwwersat vum Laure Schlesser

Illustratioun: © Kelly Sikema / unsplash

Related topics Ausseministère, Däitschland, Grenzkontrollen, Grenzschléissung, Horst Seehofer, Jean Asselborn
Next post Previous post