Search

You may also like

surprise
D‘Zäitspuerkonte ginn elo am ëffentlechen Déngscht agefouert
Neiegkeeten

D‘Zäitspuerkonte ginn elo am ëffentlechen Déngscht agefouert

D‘CGFP kënnt gutt virun, zumindest mat der Regierung an hei

Setzt Frankräich d‘Sonnebänken op den Index?
Neiegkeeten

Setzt Frankräich d‘Sonnebänken op den Index?

D‘Zäit vun de „Sonne-Studioen“ a Frankräich kéint gezielt sinn. Am

Elo hu mir se: d‘Luxembourg Space Agency
Neiegkeeten

Elo hu mir se: d‘Luxembourg Space Agency

LSA kléngt net ganz esou „renomméiert“ wéi „NASA“, mee et

Wann si „reesen“ dierfen d‘Kanner net spillen

Wéinst den Eecheprëssessiounspënner ass d‘Spillplaz am Bambësch gespaart

Wann si „reesen“ dierfen d‘Kanner net spillen

D‘Stad Lëtzebuerg informéiert de Public, datt den Eecheprëssessiounspënner sech temporär bei der Spillplaz am Bambësch ophält (Briddeler-Strooss). Elo ass dat Véi weder dem Mënsch nach dem Déier säi Frënd an et gëtt zolidd dovunner ofgeroden „Kontakt opzehuelen“. Aus dësem Grond huet d‘Stad Lëtzebuerg dann och d‘Spillplaz bis op weideres fir de Public gespaart.

Well elo déi Eecheprëssessiounspënner sech och op Plazen ophale kënnen, déi nach de Servicer nach net bekannt sinn, réit d‘Stad Lëtzebuerg de Visiteuren a Gäscht opmierksam ze sinn. Wann dëst Gedéiesch sech virun allem un de Beem vergräift – si friessen d‘Blieder – esou sinn d‘Geforen aus medezinescher Siicht net ze ënnerschätzen. An et kann een einfach net genuch insistéieren.

Dës verfroosse Raupen, déi wéi op Schinnen uechtert d‘Géigend geeschteren hu sougenannt „Brennhoer“ déi bannendran huel sinn, a vun der Loft wäitraimeg gestreet oder verdeelt ginn. Besonnesch bei dréchent a waarme Wieder, ass de Risk besonnesch ausgepräägt. A wiem et dann emol passéiert ass, dee kann e Liddchen dovunner sangen. Et ass wierklech kee Spaass!

Aus dësem Grond huet d‘Stad Lëtzebuerg dann och Warnschëlter opgestallt. An hei grondsätzlech Recommandatiounen déi ee wierklech behäerzege sollt:

  • bleift ewech vun de betraffene Beem;
  • paakt wann ech gelift keng Näschter oder Eecheprëssessiounspënner un!

De Service vun natierleche Patrimoine an de Service vun der Parke maachen hiert Méiglecht fir esou séier wéi méiglech d‘Näschter vun den Eecheprëssessiounspënner ewechzehuelen.

Ugespéngelt: D‘Stad Hamburg huet zu dësem „Problem“ ee ganzt interessant Dokument erstallt

Related topics Bambësch, Eecheprëssessiounspënner, Services des Pacrs, Spillplaz, Stad Lëtzebuerg
Next post Previous post