Sichen

Dir kéint och nach folgende gefalen

Demokratescht Prosten op een neit Joer!
Neiegkeeten

Demokratescht Prosten op een neit Joer!

Och d’DP huet et sech net entgoe gelooss, fir zesumme

Uni.lu: Ferniwwerwaachung bei Prüfungen an Zukunft méiglech?
Neiegkeeten

Uni.lu: Ferniwwerwaachung bei Prüfungen an Zukunft méiglech?

D’Universitéit Lëtzebuerg huet matgedeelt, datt Iwwerleeungen a Pläng lafen, fir

Andauernd trëlls de iwwer Ofkierzungen! Weess du, woufir di heite stinn?
Neiegkeeten

Andauernd trëlls de iwwer Ofkierzungen! Weess du, woufir di heite stinn?

Kaum eng Associatioun, Organisatioun oder Entreprise ouni Ofkierzung. Et geet

“Bäume an Orten der Kraft”: Virtrag am Haus vun der Natur

Freideg, de 24. Mee am Haus vun der Natur

“Bäume an Orten der Kraft”: Virtrag am Haus vun der Natur

Dëse Freideg, de 24. Mee 2019, gëtt um 19:00 Auer op der Kockelscheier am Haus vun der Natur e Virtrag zum Thema “Bäume an Orten der Kraft – Wuchsformen und die Energie des Ortes” gehalen. Kee geréngere wéi de Guntram Stoehr, senges Zeechens fräien Architekt, féiert duerch dëse Virtrag.

Beem kënnen déi onsiichtbar Kräfte vum Buedem siichtbar maachen, well déi energetesch Qualitéit vun hirem Standuert hire Wuesstem beaflosst. De Guntram Stoehr erkläert, wéi een d’Sprooch vun de Beem entziffert an erkennt, wat fir Plaze Kierper a Séil guttdoen.

Wou verlafe Waasseroderen, wou wierken Äerdstralen oder aner Kräften. Eegent eng Plaz sech fir en Haus do ze bauen oder éischter net? Mat der Hëllef vun enger eenzegaarteger Klassifizéierung vun de Wuessphenomener kann och de geomanteschen Noviz kraaftvoll Plazen opspieren an notzen. Wien dësen erstaunleche Beroder gelies huet, wäert eis Beem mat aneren Aen gesinn.

Heelsam Plaze fir Kierper a Séil fannen an d’Kraaft vu bestëmmte Beem notzen ass eng vun de prakteschen Uwendungen. Grad sou wéi déi richteg Plaz fir Meditatioun, Erhuelung a Wunnraum ze fannen.

Organiséiert gëtt de Virtrag “Bäume an Orten der Kraft” vun der Dignity A.s.b.l.. Si ënnerstëtzt zanter 12 Joer Fraen, Kanner a landwirtschaftlech Communautéiten an Indien. Hir Projete baséieren insbesonnesch op nohalteg Agrikultur souwéi d’Uechtung an de Respekt vun der Urbevëlkerung a Südindien.

Guntram Stoehr

Den Diplom-Ingenieur fir Architektur huet op der Bauhaus-Universitéit zu Weimar seng Studie gemaach. Nodeems de Guntram Stoehr jorelaang an der Schwäiz senger Architektentätegkeet nogaangen ass, schafft hien haut als Fräien Architekt zu Freiburg am Breisgau.

A senge Projete verbënnt hie modern Architektur mat Baubiologie, Geomantie souwéi dem traditionelle Bauwësse vum indesche Vastu. Säi Wësse vermëttelt hien a Virträg, Seminairen a geomantesche Reesen, souwéi a senger Schoul fir Geomantie a Vastu.

Méi Informatiounen op architektur-geomantie.com.

Praktesch Informatiounen

Wou? Haus vun der Natur
Adress: 5, route de Luxembourg L-1899 Kockelscheier
Wéini? Freideg, de 24. Mee 2019
Auerzäit? 19:00
Entrée: fräi

Ähnlech Sujeten Dignity asbl, Guntram Stoehr, Haus vun der Natur, Kockelscheier, natur&ëmwelt
Nächsten Artikel Virrechten Artikel