Sichen

Dir kéint och nach folgende gefalen

Kriss du eng 1 an eiser Lëtzebuergesch-Prüfung oder éischter eng Datz?
Sport

Kriss du eng 1 an eiser Lëtzebuergesch-Prüfung oder éischter eng Datz?

D’Lëtzebuergesch Sprooch huet nawell seng mi schwéier Säiten! Wéi gutt

Den Ali Khamenei setzt sech resolut fir eng Relatioun mat der Welt an
Sport

Den Ali Khamenei setzt sech resolut fir eng Relatioun mat der Welt an

De reliéise Leader vum Iran, Ali Khamenei setzt sech resolut

Éischte Ministerrot fir de Macron
Sport

Éischte Ministerrot fir de Macron

Haut um 11.00 Auer presidéiert de franséische President Emmanuel Macron

Hei komme Bikeren op hier Käschten!

Hei komme Bikeren op hier Käschten!

Mat der eenzeger an sécherlech och eenzegaarteger Trainingspiste fir VTT (Velo Tout Terrain), stellt de Bike Park Boy Konen op enger Plaz alles zur Verfügung, wat dës Sportaart beusprocht. „Table line“, „Enduro-Track“, „North-Shore“, „Pumptrack“ a „BMX-Track“ op engem Circuit vereent – en Dram dee Wierklechkeet gëtt!

© Mike Picar/Service des Sports VdL

Et war am Joer 2015, wou dräi Vëlossportveräiner vun der Stad Lëtzebuerg d‘Demande gemaach haten, fir eng VTT-Trainingspiste ze kréien. Dorops hin ass eng Etüd gemaach ginn an 2016 huet de Schäfferot vun der Stad de Sportsterrain Boy Konen fir de Projet zréckbehalen. Den Amenagement vun esou enger Trainingspiste stellt dann och ganz kloer e Méiwäert fir d‘Haaptstad duer.

Zudeem komplettéiert de Bike Park déi bestoend Offer fir d‘Cyclisten. An der Stad gëtt et schonn de Parcours „Josy Mersch“ fir de Cyclo-Cross an eng BMX-Piste um Site „Grauhans“ am Néiduerf (direkt beim Foussballsterrain).

© Mike Picar/Service des Sports VdL

De Bike Park Boy Konen ass dann och leschte Freideg zu Zéisseng feierlech ageweit ginn. Nieft dem Schäfferot haten d‘Vertrieder vun de Veräiner an a sëlleche weider Gäscht d‘Invitatioun ugeholl. D‘Sportler vun de verschiddene Sportaarten dierfen dann och mam Resultat ganz Zefridde sinn, ganz ofgesinn dovunner, datt de VTT elo hei eng schéin Heemecht fonnt huet. Accessibel a mat allem wat e braucht, kënnen sech d‘Champione vu muer hei op hir sportlech Zukunft virbereeden.

Foto: Aweiung vum Bike Park Boy Konen zu Zéisseng (© Charles Soubry/Fotothéik VdL)

Ähnlech Sujeten Bike Park, Boy Konen, Lëtzebuerg Stad, Vëlo, Zéisseng
Nächsten Artikel Virrechten Artikel