Sichen

Dir kéint och nach folgende gefalen

Och d‘Belsch ginn sech eng Exit-Covid19 Strategie
Neiegkeeten

Och d‘Belsch ginn sech eng Exit-Covid19 Strategie

Et soll eng konstruktiv a fir all d‘Bedeelegt zefriddestellend Sëtzung

Wéi gutt kenns du de Kanton Klierf?
Neiegkeeten

Wéi gutt kenns du de Kanton Klierf?

Lëtzebuerg ass an 12 Kantonen agedeelt. An eiser Quiz-Serie gi

Eng hallef Millioun US-Dollar fir dem Bob seng Telecaster
Neiegkeeten

Eng hallef Millioun US-Dollar fir dem Bob seng Telecaster

Eng vun den emblematesche Gittaren, déi den Iwwergang vum Folk

Geschwënn ass nees „Black Friday“ an den Handel wëll nëmmen äert Bescht

Den europäesche Konsumentenzenter Lëtzebuerg verëffentlecht Recommandatiounen

Geschwënn ass nees „Black Friday“ an den Handel wëll nëmmen äert Bescht

E gëtt ëmmer nees als dee „Verkafsevent“ vum Joer verkläert de sougenannte „Black Friday“ an dobäi geet hei exklusiv drëms dem Konsument de Goss aus der Täsch ze zéien. Dat natierlech mat vermeintlech „super Affairen“, woubäi ee grad do sollt immens virsiichteg sinn. Zudeem ass dëse schwaarze Freideg virun allem eng Opportunitéit fir den Online-Handel.

A sengem Communiqué, geet den europäesche Konsumentenzenter Lëtzebuerg (CEC) op déi mat dësem Dag verknäppten „Geschäfter déi ze schéi fir wouer ze sinn“ an. De CEC réit virsiichteg ze sinn a verweist drop, datt dräivéierel vun de Reklamatiounen déi si ze traitéieren hunn, mam elektroneschen Handel ze dinn hunn. Beim Online-Handel sollt ee wéi ee Fuuss uecht doen.

Dofir huet den CEC en Rei Recommandatiounen ausgeschafft: esou sollt een sech emol fir unzefänken dovunner iwwerzeegen, datt de Site eng gutt Reputatioun genéisst. Dat kéint ee maachen andeems ee sech iwwert eng Sichmaschinn an a Foren iwwert d‘Kredibilitéit vum Ubidder informéiert. Et sollt een sech och iwwerzeegen, datt de Vendeur identifizéier- a lokaliséierbar ass.

Et geet also net duer eng e-Mail Adress an eng Telefonsnummer unzeginn. De CEC erënnert och drun, datt déi europäesch Legislatioun (bis op wéineg Ausnamen) och e Récktrëttrecht vu 14 Deeg virgesäit. Zudeem sollt de Konsument onbedéngt drop uecht ginn, datt et sech bei der Internetsäit déi besicht gëtt, ëm ee sougenannte „sécher Site“ handelt. Dee muss mat „https://“ ufänken.

Donieft dann och déi Rotschléi, déi eigentlech mat eppes Verstand jidderengem och esou sollten aliichten. Bezuele sollt een nëmmen iwwert ee séchere Wee. Dat kann ee mat der Kreditkaart maachen, mee och de Bezuelsystem „Paypal“ kéint do eng appropriéiert Alternativ sinn. Woubäi 100% Sécherheet gëtt et hei och net, firwat een am Zweiwel op de Kaf verzichte sollt.

Nom „Black Friday“ kënnt e Méindeg de „Cyber-Monday“, eng Verkafsveranstaltung no gläichem Modell. Datt een hei weder de lokale Commerce ënnerstëtzt nach nohalteg konsuméiert, muss een net weider erklären. A wien op engem vun dësen zwee Deeg der Meenung ass et misst een d‘Präisser net vergläichen, dee soll sech uschléissend och net bekloen. Passt op är Suen op…

Foto: Justin Faliszek / Pixabay

Ähnlech Sujeten Black Friday, CEC, Cyber Monday, Konsum, Recommandatioune
Nächsten Artikel Virrechten Artikel