Search

You may also like

money
Onrou am Logistiksecteur
Neiegkeeten Stories

Onrou am Logistiksecteur

Am Fréijoer 2020, esou de Plang vum Energieminister Claude Turmes,

58% vun de Kanner profitéieren zu Lëtzebuerg vun enger Betreiung
Neiegkeeten Stories

58% vun de Kanner profitéieren zu Lëtzebuerg vun enger Betreiung

Dëst erginn aktuell Zuelen, déi den Eurostat verëffentlecht huet a

money
Douanestaxen: D‘OECD rifft op de Multilateralismus ze retten
Neiegkeeten Stories

Douanestaxen: D‘OECD rifft op de Multilateralismus ze retten

De Generalsekretär vun der OECD, Angel Gurria, huet um Donneschdeg

Black IPA: e Schwéiergewiicht vu Bare Brewing

Black IPA: e Schwéiergewiicht vu Bare Brewing

Wien sech dës „schwaarz Séil“ ausgeduecht huet, dee geet och am Wanter an der kuerzer Box spadséieren. Dat emol fir drop hinzedeiten, datt een de „Black IPA“ vu Bare Brewing vläicht besser am Sëtzen zou sech hëlt, also zumindest no der zweeter Fläsch. Eppes méi am Eescht: dëse wierklech eenzegaartegen IPA huet et mat 7,4% Alkoholgehalt fauschtdéck hannert den Oueren.

Et ass dann och därer een, wou esouguer eise britesche Frënn de Näid am Gesiicht ofzeliesen ass. „Besser geet ëmmer“ gëtt oft behaapt, ma hei dierft d‘Braukonscht seng Limitten nawell zimlech ausgereizt hunn. Hien ass sécherlech „komplex“ mee dat muss de Genéisser net këmmeren, him geet bei esou engem Béier primär ëm d‘Textur, d‘Batterstoffer an finalement ëm de Goût.

Iwwert dee léisst sech bekanntlech streiden, firwat ee gutt beroden ass, de Fall gesat et ass een en Amateur vu héichwäertegem a genësserlechem Béier, sech zumindest eng eege Meenung ze bilden. Seng Schockelasnout ass iwwerzeegend awer net iwwerhieflech, den Happ suergt fir de battere Goût ouni engem dobäi d‘Schong an d‘Strëmp gläichzäiteg vun de Féiss ze rappen.

Mam „Black IPA“ ass Bare Brewing déi sougenannt „quadratur vum Krees“ gelongen. D‘Ekipp ronderëm de Joël Back, Tom Reis an dem Nico Kleer, huet sech net op en Experiment agelooss mee sech voll a ganz fir de Geschmaach entscheet, an am Géigesaz zum industriellen „Einerlei“ hält dësen däischtere Béier säi Verspriechen an. Och oder grad well hien net zu jidderengem passt.

Et wëll ee sech jo dierfe vun deenen aneren ënnerscheeden. Elo kéint een awennen, datt et dees IPA vill gëtt, an bestëmmt sinn der vill dovunner gutt. Gutt eleng ass awer elo grad dee Kritär, dee bei Bare Brewing net ka berécksiichtegt ginn. Hei geet ëm d‘Exzellenz vun der Braukonscht, wat heescht datt vill Aarbecht an de Black IPA gestach gouf. Et geet jo ëm de Respekt vum Konsument.

Foto: © Martine de Lagardère/moien.lu

Related topics artisanale Béier, Bare Brewing, Béieradventskalenner, Black IPA, Craft Beers
Next post Previous post