BnL: Ee Bléck hannert d’Kulisse gefälleg?

D’Lëtzebuerger Nationalbibliothéik (BnL) wäert an Zukunft guidéiert Visitte fir Privatleit duerch seng nei Raimlechkeeten organiséieren. Beim Tour duerch d’Gebai kréie Participanten Informatiounen zum Konzept, der Architektur, de Missiounen an dem Fonctionnement vun der Bibliothéik. Zudeem kritt een d’Méiglechkeet am exklusive Kader déi intern Stocken ze besichen.

Nieft dëse guidéierte Visitte proposéiert d’BnL de sougenannte beginner workshop, duerch deen een de Recherche-Tool www.a-z.lu, den neie webarchive.lu oder och de Service vun ebooks.luka kenneléieren. Wéi een eng Recherche vun Dokumenter mécht kritt een hei am Detail erkläert.

Dës Date sollt ee sech notéieren

• Samschdes, den 1. Februar 2020 vu 14:00 bis 15:30 Auer (LU, Umeldung bis de 27. Januar)
• Samschdes, den 8. Februar vun 11:00 bis 12:30 Auer (FR, Umeldung bis den 3. Februar)
• Dënschdes, de 17. Mäerz vun 12:00 bis 13:30 Auer (LU, Umeldung bis den 12. Mäerz)
• Freides, den 20. Mäerz vun 17:30 bis 19:00 Auer (FR, Umeldung bis de 16. Mäerz)
• Méindes, den 20 Abrëll vun 12:00 bis 13:30 Auer (LU, Umeldung bis den 14. Abrëll)
• Samschdes, de 25. Abrëll vun 11:00 bis 12:30 Auer (EN, Umeldung bis den 20. Abrëll)

Bei all Datum kënne maximal 25 Persoune matgoen.

A wéini sinn d’Workshoppen?

• a-z.lu: Dënschdes, den 11. Februar vun 12:00 bis 13:30 Auer (Umeldung bis den 5. Februar)
• webarchive.lu: Mëttwochs, de 4. Mäerz vun 12:30 bis 13:30 Auer (Umeldung bis den 27. Februar)
• ebooks.lu: Mëttwochs, de 25. Mäerz vun 12:00 bis 13:30 Auer (Umeldung bis den 20. Mäerz)

Interesséiert Persoune solle sech iwwert den serviceeducatif@bnl.etat.lu mellen.