Sichen

Dir kéint och nach folgende gefalen

Vakanzefoire 2019 – Vum Kierchbierg op d’Malediven!
Money Neiegkeeten

speed dating moderator

Den 18., 19. an 20. Januar gëtt d’LuxExpo The Box

am i missing out by not dating
Money Neiegkeeten

Südafrika: Wou déi „Wäiss“ streiken, well déi „Schwaarz“ bevirdeelegt ginn

Eng Südafrikanesch Gewerkschaft, déi majoritär wäiss Salariéeë vertrëtt, huet um

D’Haus vum Horror a Kalifornien: 13 Geschwëster agespaart an ugekett
Money Neiegkeeten

D’Haus vum Horror a Kalifornien: 13 Geschwëster agespaart an ugekett

13 Geschwëster agespaart, dorënner e Bëbee vun zwee Joer. E

money

Nom Weltwährungsfong gesäit och d‘BNP Parisbas eng Wuesstemsbrems

Nom Weltwährungsfong gesäit och d‘BNP Parisbas eng Wuesstemsbrems

Nodeems mir gëschter op déi revidéiert Wuesstemsprevisioune vum Weltwährungsfong higewisen hunn, war et um Chef-Ekonomist vun der BNP Parisbas, Yves Nosbusch, sech zu de wirtschaftleche Perspektive vun de kommende Méint ze äusseren.

Hie baséiert seng Conclusiounen op d‘Eurozon an de „Vertrauensindicateur“ PMI (Purchasing Managers Index), dee géintiwwer 2017 zréckgaangen ass. Kee Grond zur Beonrouegung, den Index bleift konstant iwwert dem neutrale Wäert vu 50. Wouropper uecht gedoe muss ginn, sinn déi emergent Risiken. Keen einfache Sujet, well ee séier de Feeler mécht un déi emergent Länner ze denken, wéi beispillsweis Indien oder Brasilien. Mee och Risike kënnen „emergéieren“.

Dem Yves Nosbusch seng Previsioune fir 2018 entspriechen exakt deene vum IMF, also 2%. Dat wieren 0,5% manner wéi nach 2017. De Chef-Ekonomist notéiert zudeem, dat den amerikaneschen „ISM manufacturing index“ sech esou gutt presentéiert wéi laang net méi. Dee wier dann och Ulass zu groussem Optimismus, wat net zu gudder Lescht der trumpscher Wirtschaftspolitik geschëlt wier.

Et ass richteg, datt et duerch déi erhieflech Steierreduktioun vun der Trump-Administratioun, den amerikaneschen Entreprise richteg gutt geet. Hir Beneficer sinn duerch de Plafong gaangen, an hei leien d‘Previsioune bei +2,8% fir 2018. Dat sinn 0,6% méi wéi nach d‘lescht Joer. Eng Onbekannt huet den Yves Nosbusch net ugeschwat: den Handelskrich mat China, deen hei och eng Roll spillt.

Alles gëtt méi deier

Bei de Previsiounen dierf een net d‘Inflatioun aus den Ae verléieren, esou de Chef-Ekonomist, deen drun erënnert, datt dësen Taux déi 2%-Mark bannent engem Joer iwwerschratt huet. En Taux deen a sechs Joer säin héchsten Niveau erreecht huet, wat den Energiekäschten zouzeschreiwe wier. De Pëtrolspräis ass geklommen, well d‘USA, duerch déi nees dem Iran operluechte Sanktiounen an dem Sträit mat Venezuela, de Maart gestéiert huet. D‘OPEC freet sech…

Wann haaptsächlech d‘Energie an d‘Liewensmëttel fir d‘Inflatioun solle verantwortlech sinn, esou dierf déi „ënnergrënneg“ Inflatioun net vergiess ginn. Mee zumindest huet den Yves Nosbusch erkannt, datt d‘Entreprisen zu Lëtzebuerg Schwieregkeeten hu Personal ze rekrutéieren, an d‘Paien „op der Plaz trëppelen“. Laut der europäescher Zentralbank (EZB), géifen déi elo awer klammen.

Wichteg wier et sech un den USA ze orientéieren, wou d‘Situatioun aktuell ganz gutt ass – de Chômage-Taux läit hei mëttlerweil bei (offiziellen) 3,7% an der Wirtschaft feelt et scheinbar net un Opträg – och wann de Chef-Ekonomist dovunner ausgeet, datt déi Baisse vun de Steieren nëmmen eng transitoresch ass, an et 2019 nees „normal“ mat 1,8% amplaz 2,8% (2018) weidergeet.

Richteg analyséieren

An den USA mécht ee Gebrauch vum PCE-Index (dee bemoosst déi perséinlech Konsumausgaben) woubäi Analysten sech heifir léiwer op den CPI-Index (de Wuerekuerf) baséieren, fir déi ënnergrënneg Inflatioun ze berechnen. Déi géif no PCE-Index no un den 2% leien. Hei muss een och drop hiweisen, dat sech d‘Fed (Federal Reserve Bank of New York), entgéint dem Wonsch vum US-President, op en Zyklus vun Tauxerhéijunge festgeluecht huet.

Bei den emergente Länner, an och dat huet dem IMF esou erkannt, ass et den Wäert vun den Devisen ass dee fir zolidd Krämpes suergt. De stattlechen Defizit, eng staark Inflatioun a d‘Scholden an US-Dollar, briechen net nëmmen der Regierung, mee och villen Entreprisen a ganz bestëmmt de Mënschen d‘Genéck. Eng Gefor vun där déi meescht emergent Länner betraff sinn.

A wann een da bei der BNP Parisbas d‘Situatioun vun all Land am „eenzele“ wëll analyséieren, dann huet dat reng Profitorientéiert Grënn. Wier et der internationaler Communautéit dru geleeën den emergente Länner eng reell Chance ze ginn. Dann hätt ee längst eng aner Form vun der Verschëldung fonnt. Mee och hei sinn politesch Interesse méi Wäert wéi d‘Mënschen.

Ähnlech Sujeten BNP Parisbas, Weltwährungsfong, Wuesstem, Yves Nosbusch
Nächsten Artikel Virrechten Artikel