Search

You may also like

Gebuertsdag um Haff: Alles Guddes fir de Prënz Félix!
International Kultur Neiegkeeten

Gebuertsdag um Haff: Alles Guddes fir de Prënz Félix!

Haut feiert S.A.R. de Prënz Félix säi 36. Gebuertsdag! Als

Wéi een Zu Lëtzebuerg mat onerwënschte Locatairen ëmgeet
International Kultur Neiegkeeten

Wéi een Zu Lëtzebuerg mat onerwënschte Locatairen ëmgeet

Wéi et vun déi lénk Stad um Samschdeg matgedeelt ginn

Trotz Covid19 halen d‘Britten un der Brexit-Roadmap fest
International Kultur Neiegkeeten

Trotz Covid19 halen d‘Britten un der Brexit-Roadmap fest

Déi sanitär Kris huet op der Insel esou zimlech all

Bosnien-Herzegowina huet seng éischt Gay-Pride ënner Protest iwwerstanen

Iwwer 1.000 Mënschen haten sech der éischter Gay-Pride vum Land ugeschloss. Si stinn an fir d‘Rechter vun der LGBT-Communautéit a setzen sech dem Haass vun extremistesche Gruppéierungen aus, firwat dës Manifestatioun vun der Police huet misse geschützt ginn.

Et war déi éischt Gay-Pride déi an der supposéiert weltoppener Haaptstad vu Bosnien-Herzegowina an dat huet ville sougenannte „Wäertkonservativen“ net gefall. Esou huet et zu Sarajewo säitens den ultrakonservative Gruppéierunge massiv Géigendemonstratioune ginn. Ob moslemesch Bosnier, orthodox Serben oder fundamentalistesch kathoulesch Kroaten, d‘Stëmmung war opgehëtzt…

Datt e Mënsch iwwert sech selwer entscheeden dierf, ass dëse Mënsche grondsätzlech friem. Wann deen elo och nach seng Sexualitéit selwer bestëmmen dierf, an et och soll als „Normal“ ugesi ginn datt Männer mat Männer a Frae mat Frae Léift maachen, da geheit dat hir Wäertvirstellunge ganz op d‘Kopp. Géif een dësen Extremiste fräie laf loossen, kéim et mat Sécherheet zur Katastroph.

Gay-PrideËmsou méi erfreelech datt déi éischt Gay-Pride vu Sarajewo ouni Tëschefäll a gréisser Stéierunge konnt stattfannen. Interessant an erfreelech zugläich: den US-Ambassadeur zu Sarajewo, Eric Nelson – dee sech zu senger Homosexualitéit bekennt a mat sengem Partner zesummelieft – wéi och weider westlech Diplomaten, haten sech dëser Manifestatioun ugeschloss. Eng gutt Saach…

Sarajewo war bis ee Sonndeg déi lescht Haaptstad aus dem fréiere Jugoslawien an där et nach keng Gay-Pride ginn huet. Erënnere mir an dësem Kontext och nach emol drun, datt et a Bosnien tëscht 1992 an 1995 e vun der serbescher Féierung ausgeléiste Biergerkrich ginn huet. 100.000 Affer an grad esouvill Verdriwwener. Dat gréisste Leed hate sengerzäit déi bosnesch Moslemen ze erdroen.

Nom Krich ass et och aus dësem Grond zu enger reliéiser „Réckbesënnung“ komm, esou de Versuch eng Erklärung fir den Haass op a géint d‘LGBT-Communautéit ervirzebréngen. Toleranz fir sech anzefuerderen ouni si aneren ze gewähren, an dofir e Krich mat all sengem Leed an d‘Argumentatioun anzebrénge weist, datt et nach ee wäite Wee bis zum wierkleche Fridden ass.

mat indymedia/waw/ber

Related topics Bosnien-Herzegowina, Fundamentalismus, Gay Pride, LGBT, Sarajewo
Next post Previous post