Sichen

Dir kéint och nach folgende gefalen

Schéisserei zu Jersey-City war offensichtlech eng geziilt Attack géint jiddescht Geschäft
International Neiegkeeten

Schéisserei zu Jersey-City war offensichtlech eng geziilt Attack géint jiddescht Geschäft

Bei enger Schéisserei zu Jersey-City hu sechs Mënschen hiert Liewe

money
De Covid19-Budget 2021 vum Pierre Gramegna
International Neiegkeeten

De Covid19-Budget 2021 vum Pierre Gramegna

De Gesetzprojet fir de Budget 2021 huet de Finanzminister Pierre

USA: Bundesstaat Alabama verbitt de Schwangerschaftsofbroch
International Neiegkeeten

USA: Bundesstaat Alabama verbitt de Schwangerschaftsofbroch

De Senat vum US-Bundesstaat Alabama huet gëschter dat schäerfsten Ofdreiwungsgesetz

Brexit: déi Briten hunn se dach net méi all der Rei no!

Britescht Parlament wëll Irland-Fro mat Bréissel noverhandelen

Brexit: déi Briten hunn se dach net méi all der Rei no!

Zwee Méint virum Austrëtt aus der europäescher Unioun, ass dat britescht Parlament zum Schluss komm, datt et bei der Irland-Fro zu weidere Verhandlunge komme muss. Esou ass dat am House of Commons en Dënschdeg votéiert ginn. Bréissel ass wéineg amuséiert an wéist dës Demande zréck.

D‘Chancen, datt si op der Insel nach zu esou eppes wéi engem Kompromëss fannen, dee realistesch zu enger Scheedung mat Accord féiere soll, si schonn zäitlech esou geréng, datt ee sech hei elo wierklech keng Hoffnunge méi sollt maachen. Dat léist sech och vun der Reaktioun aus Bréissel esou ofliesen, vu wou aus d‘Briten nach um Dënschdegowend Noverhandlunge refuséiert kruten.

Et war de Spriecher vum EU-Rotspresident, Donald Tusk, deen se ech de Medie gestallt huet, fir dëse matzedeelen, datt et um Brexit-Ofkommes vun Enn November, näischt ze fréckele gëtt. Dat ass esou mat deenen anere 27 ofgeschwat ginn, heescht et aus der europäescher Schaltzentral.

„D‘Ofkommes zum Austrëtt ass a bleift déi beschten, wéi och eenzege Wee e geuerdenten Austrëtt vu Groussbritannien aus der europäescher Unioun sécherzestellen. De ‚Backstop‘ ass Deel vum Ofkommes, an dëst Ofkommes steet Noverhandlungen net op“, esou de Spriecher. An dat ass och genee esou beim EU-Sommet am Dezember beschloss ginn. Déi Decisioun schéngt endgülteg.

Och de franséische President, Emmanuel Macron, dee sech op Zypern beim Sommet vun de Mëttelmierstaate befënnt, huet nach emol däitlech gemaach, datt dëst „Ofkommes“ dat bescht méiglecht ass wat d‘Briten erhale wäerten. Weider Verhandlungen oder Verzögerunge sinn net dran.

Déi britesch Regierung misst elo zügeg hir Pläng fir déi nächst Etappe virleeën, wann en Austrëtt ouni Ofkommes sollt verhënnert ginn. Dat wënscht sech zwar keen, mee wéi et ausgesäit muss ee sech elo ganz konkret drop virbereeden. Wirtschaftlech mécht et sech jo scho bemierkbar, Firmen déi vill mam „Festland“ Geschäfter maachen, fänken och un d‘Flucht vun der Insel ze ergräifen.

Wirtschaftlech huet de Referendum scho vill Affer gefuerdert, an ouni Handelsofkommes wäert et fir ganz vill Entreprise schwéier ginn, sech um europäesche Maart ze halen. Vill Brite loossen sech nëmmen all ze gäre vun Holland oder Lëtzebuerg ulackelen, d‘Haaptsaach et ass een an der EU.

Ähnlech Sujeten Accord, Backstop, Brexit, Donald Tusk, EU, House of Commons, Nordirland, Theresa May
Nächsten Artikel Virrechten Artikel