Sichen

Dir kéint och nach folgende gefalen

What the Fakt: Virun 208 Joer war dat éischt Oktoberfest zu München
https://moien.lu/dating-parker-knives/ Neiegkeeten

https://moien.lu/how-to-deal-with-dating-a-doctor/

Den Oktober ass bekannt dofir, datt mir am Dirndl an,

https://moien.lu/dating-company-montreal/
https://moien.lu/dating-parker-knives/ Neiegkeeten

Hënn, déi hiren Tubus gären hunn!

“Et kléngt ongleeflech, mee déi Franséisch Bulldog op dëser Foto

En Dag an der Natur: D’Aktivitéite vum Abrëll
https://moien.lu/dating-parker-knives/ Neiegkeeten

En Dag an der Natur: D’Aktivitéite vum Abrëll

Vum 1. Abrëll bis zum 31. August 2019 organiséiert natur&ëmwelt

Brexit: Europa stellt seng Konditioune fir eng Transitiounsperiod

Brexit: Europa stellt seng Konditioune fir eng Transitiounsperiod

E Méindeg huet d‘EU fir d‘Transitiounsperiod nom Brexit seng „rout Linne“ gezunn. Dës „Iwwergangsphas“ gëtt vu London gewënscht, a Bréissel ass ënner gewësse Konditioune bereet dësem Wonsch ze entspriechen.

Mee d‘Konditiounen déi vun de 27 verbliwwenen EU-Länner gestallt ginn, stoussen zu London net op Versteesdemech. Besonnesch bei den Unhänger vun engem klore „Schnatt“ mat der EU, gesäit een „d‘Propose vu Bréissel“ mat kriteschen Aen. Si fäerten, datt Groussbritannien zum „Déngschtmeedchen“ vun der EU kéint verkommen, wann d‘Scheedung 2019 vollzunn ass.

D‘Minister vun de „27“, déi um Méindeg zu Bréissel zesummekomm waren, hunn dann och just ee puer Minutte gebrauch, fir d‘Direktiven unzehuelen, déi den EU-Verhandlungsbeoptraagte Michel Barnier mat an d‘Gespréicher muss huelen. Si stellen d‘Grondlag duer, mat där d‘Modalitéite vun der Transitioun mam britesche Brexit-Minister David Davis festgeluecht ginn.

„All Acquis vun der EU gëtt weiderhin ugewannt“ ënnert der Geriichtsbarkeet vum europäesche Geriichtshaff, fir den Zäitraum deen „op 21 Méint, also bis den 31. Dezember 2020“ festgeluecht ass. Esou de Michel Barnier géintiwwer der Press, nodeems him säin neit Mandat iwwerdroe ginn ass.

„Während dësem Zäitraum sinn d‘Entscheedunge vun der EU unzewennen. Groussbritannien muss dës Spillregel kennen an se vun Ufank un akzeptéieren. (…) De Bannemaart kann et net als Menü ginn“, esou de Michel Barnier, deen drun erënnert huet, datt d‘Briten nom Brexit, provisoresch den Zougang zum EU-Bannemaart an der Zollunioun wollte kréien.

Ausname bestätegen d‘Reegel

Déi „27“ verlaangen an hiren Direktiven, datt London och weiderhin all d‘Entscheedunge vun der EU unhëlt, déi Al an déi Nei, ouni dofir awer un dësen „Entscheedunge“ matzewierken, oder u Reuniounen deel ze huelen. Woubäi een zu Bréissel de Briten d‘Dieren net virun der Nues wëll zouschloen.

Vertrieder vu Groussbritannien kéinten an Ausnamefäll u Reuniounen deel huelen, ouni awer ee Matsproocherecht ze hunn oder dierfen ofzestëmmen, esou de Virschlag vun de Ministeren. Hei gëtt dann och schonn op déi spezifesch Berodungen zu de Fëscherei-Quote gekuckt, wou et ersiichtlech ass, datt et ouni d‘Briten net wäert goen.

E Spriecher vum Theresa May huet déi „kloer Positioun“ begréisst, déi am Aklang mat där vun der Premierministesch ass. „Mee et gëtt natierlech eng Verhandlung, an et wäert och en Ofstand tëscht dem endgültegen Accord an den initiale Positioune ginn“, ënnersträicht de Spriecher a füügt bäi: „Mir mussen e Wee fannen, mat deem d‘Problemer och geléist kënne ginn, wann et Gesetzer gëtt, déi géint eis Interesse ginn“.

Virum Parlament huet de Brexit-Minister David Davis schonn emol drop higewisen, datt et een „Debat wäert ginn, dee sech mat der Fro beschäftegt, op mir géint nei Gesetzer Oppositioun kënnen aleeën“.

London hat jo och widderholl eng Transitiounsperiod vun zwee Joer gefuerdert. Mee dat ass eng Fuerderung op déi d‘Minister vun de „27“ net bereet sinn anzegoen. Zu Bréissel wëll ee Kloerheet hunn, an dofir gëtt sech op d‘Enn vum pluriannuelle Budget vun der EU, dee bis 2020 leeft, bezunn. Bréissel a London sinn sech jo dann och iwwert de Prinzip eens, un de Bäiträg vu Groussbritannien bis dësem Stéchdatum net ze fréckelen.

En „doucen“ Iwwergang

Zil vun der Transitiounsperiod ass et, eng „brutal Ännerung vun de Reegelen“ fir d‘Bierger an d‘Entreprisen, direkt nom Brexit anzeféieren. Dësen Zäitraum soll zudeem d‘Méiglechkeet bidden, e Fräihandelsaccord auszeschaffen, deen d‘Relatiounen tëscht der EU a Groussbritannien festleet.

D‘Verhandlungen zu dëser spéiderer Geschäftsverbindung sollten idealerweis am Abrëll ufänken. Allerdéngs kritt d‘Premierministesch Theresa May elo schonn de Virworf gemaach, sech ze vill Zäit ze loossen, fir prezis Wënsch op den Dësch ze leeën.

Beim Sommet am Dezember, haten sech déi „27“ bereet erkläert d‘Verhandlungen zur Transitiounsperiod unzegoen, nodeems e provisoreschen Accord iwwert den Austrëtt mat London ofgeschloss konnt ginn. D‘Minister waren sech eens, datt „d‘Fortschrëtter“ an den Dossieren déi d‘Prioritéit haten, zefriddestellend waren.

Elo ass dëse politeschen Accord nach net an engem Text, deen e juristesche Wäert huet, festgehale ginn, erënnert de Michel Barnier. „Ouni Accord iwwert den Ensembel vun de Austrëttsbestëmmungen, kann et keng Transitiounsperiod ginn“, warnt de Michel Barnier.

Wéi de „Kalenner“ bis 2021 kéint ausgesinn:

  • 29. Januar 2018: d‘EU huet seng Positioun géintiwwer der Transitiounsperiod definéiert an en Accord sollt bis Enn Mäerz fonnt an ënnerschriwwe ginn;
  • 30. Januar 2018: dat britescht „House of Lords“préift de Gesetzprojet vum Austrëtt aus der EU. Dat dierft zu heftegen Debatte féieren, nodeems et schonn am „House of Commons“ héich hir gaange war. Mat dësem Gesetz gëtt d‘EU-Recht a Groussbritannien ausser Kraaft gesat;
  • 23. Februar 2018: informellen EU-Sommet zu de Budgeten „Post-Brexit“, den institutionelle Froe, an den Europawahle vu Mee 2019;
  • Mäerz 2018: de President vum Europarot, Donald Tusk, stellt déi spezifesch Orientatiounen zur Relatioun mat Groussbritannien fir, falls London bis dohinner matgedeelt huet wat se sech erwaarden;
  • 22/23 Mäerz 2018: d‘Staatscheffe vun der EU stëmmen den „Orientatioune“ vum Donald Tusk zou;
  • Abrëll 2018: d‘EU-Kommissioun verëffentlecht seng Recommandatiounen zu der spéiderer Relatioun mat Groussbritannien, op der Basis vun den Orientatioune vum Europarot;
  • 17. Abrëll 2018: d‘Wirtschaftsminister huelen d‘Recommandatiounen un, a ginn esou dem Michel Barnier d‘Mandat d‘Verhandlunge weiderzeféieren;
  • Oktober 2018: bis heihinner wëll Bréissel e vollstännegen Accord mat London fonnt hunn. Dat esouwuel wat d‘Scheedung, wéi och d‘Transitiounsperiod betrëfft;
  • 29. Mäerz 2019: Groussbritannien verléisst d‘EU, d‘Transitiounsperiod leeft un, d‘Verhandlungen zu engem Handelsaccord sollten ufänken;
  • 31. Dezember 2020: d‘Transitiounsperiod geet op en Enn;
  • 1. Januar 2021: den Handelsaccord tëscht der EU a Groussbritannien trëtt a Kraaft.

mam Cédric Simon/AFP

Ähnlech Sujeten Brexit, David Davis, Donald Tusk, EU-Kommissioun, Michel Barnier, Theresa May
Nächsten Artikel Virrechten Artikel