Sichen

Dir kéint och nach folgende gefalen

Frankräich: De Superman iwwerflitt eng Atomzentral a fält drop
International Neiegkeeten

Frankräich: De Superman iwwerflitt eng Atomzentral a fält drop

Greenpeace wéist reegelméisseg drop hin, datt Atomzentrale schonn aus Prinzip

Schweden: No de Wahle gëtt et Drock vun de Nationalisten
International Neiegkeeten

Schweden: No de Wahle gëtt et Drock vun de Nationalisten

Um Sonndeg hunn d‘Schweden hir Kandidate fir d‘Parlament gewielt. Wann

What the Fakt – Den Udo Lindenberg spillt zur DDR-Zäit säi legendäre Rock-Concert
International Neiegkeeten

What the Fakt – Den Udo Lindenberg spillt zur DDR-Zäit säi legendäre Rock-Concert

Et ass dem däitsche Museker säin éischten DDR-Optrëtt am Kader

London preziséiert d‘Konsequenze vun engem Brexit ouni Accord

London preziséiert d‘Konsequenze vun engem Brexit ouni Accord

De britesche Ministère dee sech ëm den Austrëtt aus der europäescher Unioun (Brexit) këmmere muss, huet gëschter eng zweet Serie technesch Notize verëffentlech, déi sech de Konsequenze fir déi britesch Bierger an d‘Entreprise unhuelen, sollten d‘Verhandlunge mat Bréissel scheiteren.

Am ganze sinn esou 28 Notte publizéiert ginn. Déi befaassen sech mat esou ënnerschiddlechen Theme wéi d‘Gültegkeet vum Führerschäin, Handysrechnungen (Roaming), CO²-Emissiounen, mee och mat den administrativen Demarchen, fir Wueren an- oder auszeféieren.

Déi britesch Autoritéite warnen, datt et kéint derzou kommen, datt de britesche Führerschäin net méi kéint benotzt ginn, fir op EU-Territoire e Gefier ze steieren. Si mengen, datt déi britesch Bierger gezwonge ginn en „neien“ Examen ze maachen oder en internationale Schäin ze besëtzen.

Hei gëtt dann awer betount, datt Groussbritannien och bei engem Brexit ouni Accord, den EU-Bierger, déi op der Insel liewen, oder just op Besuch sinn, un hirem Führerschäin näischt mussen änneren. Den europäeschen Auslänner dierf deemno säin nationale Schäi weider benotzen.

Telefonéiere gëtt nees méi deier

Gewarnt gëtt och virun enger neier Situatioun bei der mobiller Telefonie. An Europa sinn zanter engem gudde Moment d‘Roaming-Käschten ofgeschaaft ginn, wat d‘Telefonéieren an Europa méi präiswäert gemaach huet. Ouni „Ofkommes“ gëtt de Roaming nees aktivéiert, heescht et.

Op der irescher Insel kéint dat zu Gestreits féieren. Besonnesch am Fokus: all déi Leit déi laanscht d‘Grenz wunnen, an déi jee nodeem wéi e Signal grad am stäerksten ass, kéinten esou „ongewollt“ duerch en „Netzwiessel“ vun der Telefonsrechnung béis iwwerrascht ginn.

D‘Carolyn Fairbairn, Generaldirectrice vun der Patronatskonfederatioun CBI, stellt kloer, datt dës Notizen eng gutt Illustratioun vun deem sinn, wat een a Groussbritannien allgemeng als „Stéierung“ bezeechent. Esou ginn d‘Bierger an d‘Entreprisë vun enger „Ideologie“ bei d‘Lisette gelooss.

Si riicht dann nach emol en Appell un déi politesch „Muecht“ sech ze besënnen, an et gefällegst zu engem Accord ze bréngen. Et wier elo genuch Schued ugeriicht ginn, an d‘Zäit wier bekanntlech net opzehalen. Zudeem wier et der Regierung hir Flicht Schued vun der Bevëlkerung ofzewennen.

London a Bréissel sollten dann och bis zum Sommet am Oktober, zumindest eng zolidd Grondlag fonnt hunn, fir den Austrëtt a geuerdente Schrëtter ze vollzéien. Dat gesäit aktuell net duerno aus, an och Experten hu mëttlerweil vill vun hiren Hoffnungen opginn, datt et zu engem Accord kënnt.

mat AFP

Ähnlech Sujeten Accord, Bréissel, Brexit, EU-Austrëtt, London
Nächsten Artikel Virrechten Artikel