Sichen

Dir kéint och nach folgende gefalen

Fir gerechten Handel: Lëtz’ Step to Fairtrade
Kultur Neiegkeeten

Fir gerechten Handel: Lëtz’ Step to Fairtrade

Tëscht dem 6. an 19. Mee 2019 luet Fairtrade Lëtzebuerg

UN-Campagne #NotATarget vu Lëtzebuerg matgedroen
Kultur Neiegkeeten

UN-Campagne #NotATarget vu Lëtzebuerg matgedroen

De Weltdag vun der humanitärer Hëllef, deen all Joers de

D‘Reform vun den Autorerechter an der EU geet op e Kompromëss zou
Kultur Neiegkeeten

D‘Reform vun den Autorerechter an der EU geet op e Kompromëss zou

Et ass scho vill Tënt gefloss an esou munch Tastatur

Buchpresentatioun vun „Der Report der Magd“

Buchpresentatioun vun „Der Report der Magd“

Dës Graphic Novel vum Margaret Atwood sengem Report der Magd (berlin Verlag) ass fuerchtbar. Also fuerchtbar gutt. Erschreckend. Se kënnt ouni vill Wierder aus, e Bild erzielt méi ewéi e wëll. Oder erdroe kann. Ech fannen se nach besser ewéi d’Buch.

Et rëselt een op – de Lieser freet sech automatesch: Wat kënnt nach op eis duer? Ass et eng Zukunftsvisioun oder just eng fiktiv Dystopie? Hoffentlech dat zweet! D’Illustratiounen bleiwen nach laang an Erënnerung, nom Liesen huet een e bessert Versteesdemech fir d’Fräiheet. Jo, och an dëser Zäit. Mir mussen se genéissen esou laang et geet.

Mä wéi kann e sech sécher fillen?

Am Buch geet et ëm Ënnerdréckung, Rassismus, Homosexualitéit, Relioun, Diskriminéierung a sou villes méi. Fraen hu keng Rechter méi, se sinn nëmmen nach gutt fir der héijer Herrschaft Kanner ze gebären an Déngschter z’erweisen. Si hu keng Identitéit méi. Kee Liewen. Si funktionéieren a stänneger Angscht. E Feeler ze vill a se gi batter bestrooft oder bezuelen mam Dout. Alles ass verbueden!

Hoffe mir alt, dass Gilead ni real gëtt …

D’Zeremonien wullen op, Vergewaltegungen stinn op der Dagesuerdnung. Spaass, Freed a Loscht sinn eng Sënn. Et gëtt no strenge Reegelen gelieft. Ass dat nach e Liewen? Grausam!

Wéi wichteg sinn eis Mënscherechter? Wéini sti mir fir eppes an? Hoffentlech net, wann et ze spéit ass.

D’Desfred kennenzeléiere wullt een op, seng Stäerkt huet mir nawell imponéiert, hatt ass e Virbild fir sou munch Fraen. An dat iwwer Generatiounen! Schliisslech ass d’Buch well e Klassiker, bal esou al ewéi ech.

Firwat gëtt de Mann a senger Positioun méi héich gestallt? Stinn d’Frae jeemools fir hir Rechter an? Och wann de Roman e Klassiker ass – d’Froe sinn nach ëmmer aktuell. Leider! Gëtt et net endlech Zäit fir en neien Ufank?

Ech hunn un de Blieder gepecht, d’Loft agehalen. Dacks wollt ech d’Protagoniste rëselen. Oder haart jäizen. Ewéi scho gesot, d’Illustratioune maachen een nach méi fäerdeg ewéi d’Wierder. Mir sinn d’Schudderen de Réck erofgelaf. An d’Tréinen an d’A geschoss.

Bravo. A Merde!

Opmaacherbild: © Jessica Mersch / Bichergeck


Dës Buchpresentatioun ass Deel vun eiser Aktiounswoch zum Weltdag vum Buch an den Auteursrechter.

Ënnert dem Motto „New beginnings – En neien Ufank“ soll, duerch d’Literatur, den Enthusiasmus fir een Neistart lassgekiddelt ginn. Wou zu Lëtzebuerg eigentlech, iwwert eng ganz Woch verdeelt, déi verschiddenst Evenementer an Aktivitéiten zum Thema Buch a Literatur organiséiert ginn, huet een d’Aktiounsdeeg an den Internet verlagert. Online gëtt esou d’Fërderung vum Liesen an d’Verbreede vu Wëssen ervirgehuewen, fir esou op nei Fantasie-Zich opzesprangen.

Ähnlech Sujeten berlin Verlag, Buchpresentatioun, Der Report der Magd, Dystopie, Graphic Novel, Margaret Atwood, Mënscherechter, New beginnings – En neien Ufank, Weltdag vum Buch an den Auteursrechter
Nächsten Artikel Virrechten Artikel