Sichen

Dir kéint och nach folgende gefalen

Belsch Giischtercher ouni Schong an ouni Box
Kultur Neiegkeeten

Belsch Giischtercher ouni Schong an ouni Box

Et ass fir déi betraffen net lëschteg, mee eigentlech ass

Chantier Luxtram – d’Stad gëtt nei organiséiert!
Kultur Neiegkeeten

Chantier Luxtram – d’Stad gëtt nei organiséiert!

D’Stad Lëtzebuerg informéiert doriwwer, datt am Kader vum Chantier vum

Lacrosse: Blacksmiths gewanne 14-5 géint Namur Knights!
Kultur Neiegkeeten

Lacrosse: Blacksmiths gewanne 14-5 géint Namur Knights!

Lacrosse zu Lëtzebuerg? Jo dat gëtt et! A leschte Sonndeg

Buchpresentatioun vun Uncover – Die Trollfabrik

An Zäite vu Fake-News passt dëst Buch ewéi d'Fauscht op d'A.

Buchpresentatioun vun Uncover – Die Trollfabrik

Mam Buch Uncover – Die Trollfabrik (Loewe Verlag) trëfft den Auteur Manfred Theisen den Nerv vun der Zäit. Mir begleeden den jonken YouTuber Pheonix op sengem Wee. Zesumme mam Khalila a senger russescher Frëndin stellt hie brisant Material an d’Netz – dëst wäert Russland schwéier belaaschten.

Mir léieren och de Leonid an Estland kennen, hie schafft an enger sougenannter Trollfabrik. D’Tarnung vun dëser ass en Callcenter, d’Firma interesséiert sech fir d’Politik a Westeuropa. Et gëtt vill Aarbecht, dem Pheonix seng Verëffentlechunge musse mat alle Mëttele verhënnert ginn! Natierlech ginn et Kollateralschied – zemools syresch Flüchtlinge mussen dru gleewen. Firwat ass dat esou? Déi dräi Teenager beginn sech op d’Sich, si mussen sech mat Killer a russeschen Oligarchen an Uecht huelen.

Et kritt een nawell gutt Abléck an d’sozial Netzwierker, se ginn dacks gesteiert – mir däerfen net alles gleewen wat mer gesinn oder héieren. Mënschen ginn bezuelt fir op Videoen an Noriichten ze reagéieren, fir ze kommentéieren a vun Verschiddenes ofzelenken. Richteg skrupellos. Et ginn zwee Perspektivewiessel, mir liesen vun de Gudden an och d’Antagonisten kommen zu Wuert. Esou versteet een d’Motiver an d’Handlungen besser. Och wann et e Jugendroman ass, mir Erwuessener mussen d’Buch och liesen a sou munches iwwerdenken. Wat ass echt? Wat gestallt? Ass d’Digitaliséierung wierklech gutt?

Et geet ëm Gesellschaftspolitik an dovunner weess den Auteur sou munches. Mir war net bewosst, dass et esou Fabricken tatsächlech gëtt – an dann nach an deem Ausmooss …

Gutt, et ass eng fiktiv Geschicht, se stëmmt nawell nodenklech! Et ginn vill Parallellen mat eiser realer Welt. Ewéi dacks ginn Flüchtlinge benotzt fir hinnen d’Schold un engem Muerd oder Déifstall ze ginn? A wéi dacks setzt en Troll dat Gerücht an d’Welt? Dofir ass et wichteg d’Noriichten ëmmer ze iwwerpréiwen. Mir ginn gesteiert – an eise Meenungen an an eisem Verhalen, firwat hunn mir dann en eegene Wëllen?

D’Kapitelen sinn kuerz a knackeg, d’Charakteren authentesch a lieweg. Ech hätt net geduecht, dass d’Buch mech esou mathëlt. E klenge Bonus: All Uertschaft a Gebai gëtt et wierklech, den Auteur war do – a mat Google konnt ech och e Bléck drop geheien.
Ech sinn op den Här Theisen säin nächst Wierk gespaant!

Ähnlech Sujeten Buchpresentatioun, Digitaliséierung, Fake News, Internet, Manfred Theisen, Perspektivwiessel, Sozial Netzwierker, Uncover- Die Trollfabrik
Nächsten Artikel Virrechten Artikel