Search

You may also like

Amerika um Wee an d‘Anarchie?
Kultur Neiegkeeten

Amerika um Wee an d‘Anarchie?

Déi aner Säit vum grousse Pull hat et um 1.

D‘CSV fuerdert eng Orientéierungsdebatt an der Gesondheetspolitik
Kultur Neiegkeeten

D‘CSV fuerdert eng Orientéierungsdebatt an der Gesondheetspolitik

Nodeems d‘Regierung widderholl affirméiert huet, d‘Alternativen zur klassescher Hospitalisatioun fërderen

Kommt all an de Mariendall
Kultur Neiegkeeten

Kommt all an de Mariendall

E Sonndeg de 15. September mécht de Jugendzentrum am Mariendall

D‘Butschebuerger Buergfest begeeschtert d‘Massen

Et gëtt dëst memorabelt Volleksfest elo scho bal 20 Joer an et ass mëttlerweil eent vu de gréissten an der Regioun

Fir d‘Dauer vun engem Weekend ass de Quartier „Boudersberg“ – wéi en amtlech genannt gëtt – eng regelrecht Zäitmaschinn. Da geet et zréck an dat déifste Mëttelalter, woubäi hei natierlech nëmmen déi schéi Säite virgefouert ginn. Keng Hex déi verbrannt gi wier an erstaunlech wéineg Kierchemänner. Dofir masseg Ritter, Minnesänger an wat et eben soss nach esou déi Zäit gouf…

Datt Buergfest zu Diddeleng esou ee groussen Zousproch huet, dat huet vill Ursaachen: zum engen ass Diddeleng déi schéinste Stad am Land, zum anere sinn déi Diddelenger och déi feinste Leit am Land. Elo kann et natierlech och un der Organisatioun geleeë sinn, wéi dem Fakt datt dësen Hobby vun ëmmer méi Leit esou richteg „gelieft“ gëtt. An déi zéie vun engem fest zum aneren.

De Quartier Butschebuerg ass um Fouss vum „Mont St.Jean“ geleeën a seng Gässele mat hiren Haisercher an Bauerenhäff bidden sech fir esou en Event beschtens un. Net ze vergiessen datt déi grouss Wisen sech herrlech fir d‘Installatioun vu de Ritter-Lager mat hiren impressionnanten Zelter eegenen. Datt alles esou klappt ass awer engem gutt opgestallten Organisatiounscomité geschëlt.

Glécklech an Zefridden

Fir de Romain Back dee seng Première als President vum Organisatiounscomité gefeiert huet, ass dësen Erfolleg den Diddelenger net „einfach esou“ zougefall. Hie gëtt ze bedenken, datt och dëst Fest 2001 kleng ugefaangen huet. Et huet en Ament gebraucht bis et sech erëmgeschwat hat, datt et do eng lëschteg Band vun ondugene Kadette gëtt, déi nach feiere kënne wéi fréier, ganz vill fréier…

Gutt si hätten sech iwwert eppes méi Sonn gefreet, mee déi puer Drëpsen hunn d‘Aficionados net ofgehalen. Et war och séier gezielt: „…zu hirer Dausenden hu se Schlaang gestanen“ sot eis eng léif Damm an der Kees mat engem risege Grinsen am Gesiicht. An dat dierft nach ënnerdriwwe sinn, et war wuertwiertlech schwaarz vu Leit. Cool, ganz vill Gäscht haten sech entspriechend gekleet.

Dat mécht Sënn, well wien sech „Zäitgeméiss ze kleede wousst“ ass zum klénge Präis eragelooss ginn. Erfreelech och d‘Feststellung, datt dëst Buergfest ëmmer méi Familljen unzitt. An d‘Offer fir d‘Krapperte féiert iwwert Ateliere bis hin zu klengen Turnéier. Et ass – dat kléngt elo verréckt – erlaabt sech knaschteg ze maachen a mat de Fangeren z‘iessen. Kee wonner datt et fir si flott war.

Foto: © Martine de Lagardère/moien.lu

Related topics Buergfest, Butschebuerg, Diddeleng, Mëttelalterfest
Next post Previous post