Sichen

Dir kéint och nach folgende gefalen

Springbreak Luxembourg – D’Foire fir Innovatioun, Kreativitéit an Trends
Money Neiegkeeten

Springbreak Luxembourg – D’Foire fir Innovatioun, Kreativitéit an Trends

Vum 14. bis de 17 Mäerz 2019 gëtt an der

What the Fakt – 51. Doudesdag vum Che Guevara
Money Neiegkeeten

What the Fakt – 51. Doudesdag vum Che Guevara

An den 1960er Joer gouf den Ernesto „Che“ Guevara als

Éischt Sëtzung beim Mediateur
Money Neiegkeeten

Éischt Sëtzung beim Mediateur

Well sech d‘Direktioun vun der Cargolux strieft senge Mataarbechter e

money

Cargolux besteet Sécherheets-Audit

Cargolux besteet Sécherheets-Audit

Um Fluchhafen hunn se bei der Cargolux nees all Grond mat sech zefridden ze sinn. Och de sechsten Audit zur Sécherheet IOSA (IATA Operational Safety Audit) ass mat engem exzeptionelle Resultat ofgeschloss ginn.

De Programm IOSA ass international unerkannt a gëtt als Evaluatiounssystem akzeptéiert. Hei stinn den operationelle Management an d‘Kontrollsystemer vun enger Fluchgesellschaft am Mëttelpunkt. Während de fënnef Deeg déi et brauch den Audit ze erneieren, ass d‘Cargolux op ronn 900 Standardprozeduren gepréift ginn.

Fir sech heirop virzebereeden, huet en Team vun 20 Leit, aus alle betraffene Secteuren, e ganzt Joer zesummegeschafft. Dat besonnesch gutt Resultat wier och hinnen ze verdanken. Als IATA-Member huet d‘Cargolux (wéi all aner IATA Airline) en éischten Audit missen duerchlafe fir Member ze ginn. Duerno gëtt den Audit all zwee Joer (eng Aart technesch Kontroll) nei ugesat.

En Mesure déi virun allem der Fluchsécherheet entgéint kënnt an sech och op d‘Primme fir d‘Assurance néierschléit. Zudeem gëtt den Audit vu ville Autoritéiten am Beräich vun der Fligerei, wéi beispillsweis der FAA unerkannt.

Dat fantastescht Resultat ass d‘Ergebnis vun den Ustrengungen an der stänneger Bereetschaft vun de Cargolux-Mataarbechter sech den Ufuerderunge vum IOSA-Audit ze stellen“, esou de Graham Hurst, Cargolux Vizepresident „Quality & Compliance Monitoring“.

Seng Equippe, d‘IOSA-Coordinateuren an d‘IOSA-Vertrieder, mee och all déi wou den Audit direkt betraff huet oder déi bei der Virbereedung matgehollef hunn, alleguerten hunn se alles ginn. Deene gehéiert et dann och Merci gesot ze kréien. Dat exzeptionellt Resultat ass hire Verdéngscht.

Ähnlech Sujeten Audit, Cargolux, Graham Hurstm, IATA
Nächsten Artikel Virrechten Artikel