Cargolux: Santiago de Chile kënnt an d’Netzwierk dobäi!

Um vergaangene Freideg huet Cargolux Airlines, bei senger Route iwwer Süd-Amerika, nees Santiago de Chile ugesteiert. Des Destinatioun, déi elo am wuessende globalen Netzwierk vun der Airline nees opgeholl ginn ass, offréiert nei an interessant Méiglechkeeten zur Entwécklung vum Latäin-amerikanesche Marché.

Déi wëchentlech Verbindung gehéiert zu enger ausgedeenter Route duerch Süd-Amerika, woubäi nach 4 weider Destinatiounen an dësem Beräich abezu sinn. De Fluch geet vu Lëtzebuerg op Viracopos, weider op Santiago de Chile, Quito, Bogota an Aguadilla ier de Fliger iwwert Amsterdam nees zeréck op Lëtzebuerg kënnt.

Immens frou iwwert dës Entwécklung ass de Pier Curci, amerikanesche Vize-President vu Cargolux. „D’Ergänzung vu Santiago an eis Netzwierk stäerkt weider d’Positioun vu Cargolux als opbléiende Spiller um Süd-amerikanesche Marché- Et ass och een Testament fir d’Wichtegkeet vun der Regioun op de globalen Handelsstroosse, besonnesch wann et ëm liicht verdierflech Wuer wéi Friichten a Blumme geet.“

© Cargolux Airlines

Mate de Joren ass Santiago zur Schnëttstell fir europäesch Produite ginn, déi fir de Latäin-amerikanesche Maart geduecht sinn. Hei gëtt nämlech besonnesch stabilt an empfindlecht Material, sou wéi héich spezialiséiert Gidder, wéi beispillsweis Maschinnen, Konstruktiounsmaterial, Pharma an Elektronik gefrot.

D’Entscheedung, Santiago nees opzehuelen erméiglecht et der Airline, ee breede Service an der Regioun unzebidden. Um Plang sti reegelméisseg Verbindungen tëscht Süd-Amerika an Europa, mat direkte Verbindungen op Amsterdam a Lëtzebuerg, sou wéi och Camionsservicer zu weideren europäeschen Destinatiounen.

Opmaacherfoto: © Cargolux Airlines