Chantier op der Opfaart vum Echangeur Stroossen

D’Stroossebauverwaltung informéiert doriwwer, datt duerch ee Chantier op der Opfaart vum Echangeur Stroossen (S4) a Richtung A6 d’Strooss wäert gespaart sinn.

Am Kader den Aarbechte gëtt dësen Deel vun Dënschdes, dem 15. Oktober géint 21:00 Auer bis Mëttwochs, de 16. Oktober géint 6:00 Auer zou gemaach. Dofir si folgend Spärungen an Ëmleedunge virgesinn:

• D’Opfaart vum Echangeur Stroossen (S4), wann ee vun der N6 kënnt an a Richtung Echangeur Briddel (S3) op der A6 fiert, sou wéi a Richtung Echangeur Helfenterbréck (S5) op der A6 ass gespaart
• D’Sortie vum Echangeur Stroossen (S4), wann ee vum Echangeur Helfenterbréck (S5) kënnt ass zou
• Den Trafic op der N6 a Richtung Lëtzebuerg gëtt iwwert den CR181 an den Echangeur Briddel (S3) ëmgeleet
• Den Trafic op der N6 a Richtung Bartreng gëtt ëmgeleet iwwert d’N6, d’Rue des Aubépines, d’N5, den Echangeur Helfenterbréck an d’A6
• Den Trafic, dee vum Echangeur Helfenterbréck (S5) kënnt gëtt iwwert d’A6 an den Echangeur Briddel (S3) ëmgeleet

Weider Informatioune ginn et ënnert www.cita.lu.