Sichen

Dir kéint och nach folgende gefalen

Kultursummer 2020: Nach vill aus wéineg erausgeholl
Neiegkeeten

Kultursummer 2020: Nach vill aus wéineg erausgeholl

Déi lescht Méint hunn dem Secteur vun der Kultur immens

De Boris, d‘Uschi an de Brexit
Neiegkeeten

De Boris, d‘Uschi an de Brexit

Well sech London queesch stellt, de Boris Johnson eng Revisioun

surprise
Wann de Popcorn besser wéi de Film ass
Neiegkeeten

Wann de Popcorn besser wéi de Film ass

Heiansdo ass net ze verstoen, wat sech d’Produzenten an Hollywood

De Chômage zu Lëtzebuerg weider réckleefeg

De Chômage zu Lëtzebuerg weider réckleefeg

Aus dem leschte Communiqué vun der ADEM, geet ervir, datt de Chômagetaux am Juli sech bei 5,5% als „Stabil“ erwisen huet. Op d‘Joer héichgerechent, ass et eng Baisse vun insgesamt 5,8%. Hei muss een awer drop hiweisen, datt och d‘Zuel vun den Demandeure réckleefeg ass, wat besonnesch de jonke Leit an den Demandeure mat wéineg Qualifikatioun entgéint kënnt.

Esou waren am Juli 15.262 Leit ageschriwwen déi op der Sich no enger Schaff waren. Dat sinn der 942 manner wéi nach am Juli 2017. Wann een den Analyse vun der ADEM gleewe kann, hätt sech dës Tendenz besonnesch bei de jonken Demandeuren ënner 30 Joer bemierkbar gemaach, wou eng notabel Baisse vun 11,4% festgehale gëtt.

ChômageOch déi manner qualifizéiert Demandeure profitéiere vun der gudder konjunktureller Situatioun, mat enger Baisse hei vun 7,7%. Interessant an erfreelech, all „Altersklassen“ profitéieren heivunner: bei den Demandeuren aus der Alterstranche tëscht 30 a 44 Joer verzeechent d‘ADEM eng Baisse vun 8,8%. Bei den Demandeure vun iwwer 45 Joer ass ee mat -0,8% och um gudde Wee.

Et gi méi Plazen ugebueden

E weidere Punkt deen interessant ass: de Niveau vun der Formatioun vun den Demandeuren. Hei stellt d‘ADEM fest, datt bei de Leit mat engem Schoulofschloss am „secondaire inférieur“ eng Baisse vu 7,7% ze notéieren ass, déi mat enger Formatioun „secondaire supérieur“ leie bei -6,6%. Eenzeg bei den Demandeure mat „héije Schoulen“ gëtt et eng Zounam (+1,1%).

Ganz erfreelech de Bléck op d‘Zuele vun de Laangzäitchômeuren. Hei ass et eng Baisse vu 4,7% déi fir Zouversiicht suergt. Datselwecht Bild bitt sech bei den Demandeure mat spezifesche Besoinen, oder „reduzéierter Aarbechtscapacitéit“, hei läit d‘Baisse, op ee Joer bezunn, bei 5,8%. Vun enger Moossnam hunn 4.791 Leit (-6,2%) profitéiert. D‘Job-Offer huet ëm 24,3 % zougeholl.

Dat kléngt alles ganz gutt, mee d‘Experte sinn sech oneens, op et esou ka weider goen. Déi hunn sech d‘Zuele vun de leschte fënnef Joer ugekuckt, a bremsen den Optimismus. Laut hirer Analys wier d‘Tendenz eng aner wéi vun der ADEM duergestallt. Eng Feststellung déi ee relativiséiere muss, well eigentlech schonn ëmmer den 2. Semester fir den Aarbechtsmaart „schwiereg“ war.

mam Laure Schlesser

Foto: © Martine de Lagardère/moien.lu

Ähnlech Sujeten ADEM, Chômage, Konjunktur
Nächsten Artikel Virrechten Artikel