Sichen

Dir kéint och nach folgende gefalen

Patiente Vertriedung: Gratis juristesch Assistenz u bestëmmten Datumer
Neiegkeeten

Patiente Vertriedung: Gratis juristesch Assistenz u bestëmmten Datumer

Ab Februar 2019 offréiert Patiente Vertriedung Asbl all éischten Donneschdeg

Israel wëll Al-Jazeera erausgeheien
Neiegkeeten

Israel wëll Al-Jazeera erausgeheien

Gëschter huet de Premierminister vun Israel, de Benjamin Netanyahu, annoncéiert,

ULC: „D‘Wahlprogrammer an hir Verspriechen“
Neiegkeeten

ULC: „D‘Wahlprogrammer an hir Verspriechen“

D‘Chamberwahle sti vrun der Dier, an och de Konsumenteschutz (ULC)

Coronabuerg gräift duerch: Recommandatioun fir grouss Evenementer

Coronabuerg gräift duerch: Recommandatioun fir grouss Evenementer

Viru knapp 2 Wochen ass zu Lëtzebuerg den éischte Fall vum Coronavirus confirméiert ginn. Zënterhier breet de SARS-CoV-2 sech net nëmmen an eisen Nopeschlänner, mee och bei eis am Groussherzogtum weiderhin aus, wouduerch d’Santé gezwongen ass, méi staark Moossnamen ze ergräifen. Fir déi weider Ausbreedung vum Virus ze limitéieren, gëtt recommandéiert, Festivitéiten an Evenementer, déi iwwer 1000 Leit gläichzäiteg zesummebréngen, net ze organiséieren oder ze verleeën.

Elo kéinten divers Evenementer verluecht, oder och ganz ofgesot ginn. D’Openeentreffe vu Mënschemasse verstäerkt de Risiko zur schneller a groussflächeger Iwwerdroung vum neie Coronavirus, wouduerch d’Recommandatioun vun der Santé zum gesondheetleche Schutz vun der Bevëlkerung bäidroe soll. Et geet allerdéngs net nëmmen dorëm, déi potentiell Transmissioun vun der Longekrankheet ze reduzéieren, mee och weiderhin de sougenannte Contact-Tracing garantéieren ze kënnen.

Ofgesot sinn zu Lëtzebuerg ënnert anerem de Relais pour la Vie, déi 25. Editioun vum Postlaf oder och d’Escher Kavalkade. De Spring-Break gouf an de Juli 2020 verluecht. D’Aktivitéite vun de Schoule, Geschäfter, Entreprisen, Supermarchéen, Restauranten, Caféen an dem ëffentlechen Transport sinn net concernéiert.

Nodeems e Sonndeg de 5. Fall vun enger infizéierter Persoun, déi vun hirer Rees aus dem Elsass erëm komm ass, bestätegt ginn ass, koum gëschter een éischte Fall vun enger Infektioun vun engem Grenzgänger, mat Wunnsëtz a Frankräich, dobäi. Ugestach huet hie sech a Frankräich, wou hien och zur aktueller Stonn behandelt gëtt.

Weltdag vun der Nier – Sensibiliséieren trotz Virus

Am Kader vum Weltnierendag um 12. Mäerz 2020 war zu Lëtzebuerg ee Sensibiliséierungsdag an divers Konferenze geplangt. D’Spidol Robert Schuman um Kierchbierg huet elo, duerch d’Evolutioun vum Coronavirus, d’Manifestatioun ofgesot, fir esou all Risiko vun der Kontaminatioun ze vermeiden. Fir de Moment gesäit et awer esou aus, wéi wann den Aktiounsdag mat sengen Aktivitéiten um Donneschdeg am Centre Hospitalier du Nord (CHdN) bäibehale gëtt. Geplangt sinn Fréierkennungstester zu Nierekrankheeten, wéi och een Informatiouns- a Sensibiliséierungsstand.

Zur selwechter Geleeënheet mobiliséiert sech de Centre Hospitalier Émile-Mayrisch (CHEM) zu Esch-Uelzecht an informéiert vun 8:00 bis 16:30 Auer an der Entrée iwwert déi verschidden Nierenerkrankungen an Risikofacteuren. Zudeem proposéiere si ee gratis Screening mat Kontroll vum Bluttdrock, dem Bluttzocker, engem Urintest an enger medezinescher Anamnes.

Opmaacherbild: © Kaleb Nimz/Unsplash

Ähnlech Sujeten Ausbreedung, CHdN, Contact-Tracing, Coronavirus, Covid19, Evenementer, Groussveranstaltungen, Mënschemass, Ofso, Recommandatioune, Santé, SARS-CoV2, Sensibiliséierung, Weltnierendag
Nächsten Artikel Virrechten Artikel