Sichen

Dir kéint och nach folgende gefalen

Desserto – Den Ersatz fir Lieder aus … Cactus?
International Neiegkeeten

Desserto – Den Ersatz fir Lieder aus … Cactus?

En ëmweltbewosst Denken ass hautdesdaags bal déi wichtegst Viraussetzung, wann

Editorial: Akzenter Setzen
International Neiegkeeten

Editorial: Akzenter Setzen

De Rapporter vum Budget kënnt aus de Reie vun der

Belsch Waffenhändler am Gléck
International Neiegkeeten

Belsch Waffenhändler am Gléck

Laut dem gëschter verëffentlechte Rapport vum wallounesche Waffen-Observatoire, huet d‘Regioun

D‘Ajatollahe relancéieren d‘Wirtschaft

Am Iran gëtt et offiziell eng 70.000 Infektiounsfäll a leider och iwwer 4.300 Affer, trotzdeem huet Teheran entscheet, déi wirtschaftlech Aktivitéiten nees opzehuelen

D‘Ajatollahe relancéieren d‘Wirtschaft

Bannent de leschte 24 Stonnen hunn déi am Iran zoustänneg Autoritéiten 125 nei Stierffäll missen an de Bilan androen. Domatter klëmmt d‘Zuel vun de Covid19-Affer am Iran op 4.357. Insgesamt, esou déi vum Spriecher vum Gesondheetsministère, Kianouche Jahanpour, virgeluechten Zuelen, gëtt et 70.029 infizéiert Persounen. E Freideg eleng goufen 1.837 nei Infektiounsfäll confirméiert.

Um Virdag waren et der nach 1.972, wouduerch sech elo iwwert déi lescht néng Deeg eng däitlech Tendenz géif erginn, esou de Spriecher. Trotz de Sanktiounen an der Feststellung, datt sech d‘USA d‘Pandemie zu notze maache wëllen, fir „maximalen Drock“ op Ajatollahen auszeüben, konnt déi islamesch Republik bis ee Samschdeg 251.703 Persounen op eng méiglech Infektioun Testen.

IranAls geheelt gëlle laut dem iranesche Gesondheetsministère 41.947 Patienten. Den Ament wieren nach 3.987 Persounen an engem „kriteschen“ Zoustand. Dës Zuele loossen sech natierlech aus bekannte Grënn net iwwerpréiwen, an esou ginn se dann och vun den übleche Stellen ugezweiwelt. Woubäi een awer sollt bedenken, datt et kee politesche Grond gëtt, firwat d‘Ajatollahe sollte léien.

Net wierklech vill Optiounen

Am Kontext vun der sanitärer Kris, war et iwwert déi lescht Woche just klenge Geschäfter erlaabt nach Aktivitéiten ze hunn, dat awer misst elo net méi sinn. Teheran lackert also seng Moossnamen, an esou dierfen zanter gëschter déi Entreprisen, déi ee gerénge Risk fir d‘Verbreedung vum Virus duerstellen, och nees hir Aarbecht ophuelen. Datt dat Gefore verbiergt, wëssen se zu Teheran…

Iran

Mee esou wierklech vill Optiounen hunn d‘Iraner elo och keng. Ausgegrenzt, an zuweile gären als déi eenzeg Schëlleg um ganze Misär an der Regioun duergestallt, kënnen d‘Iraner sech de Stëllstand vun der Wirtschaft schlicht an ergräifend net leeschten. Woubäi d‘Regierung d‘Leit oprifft, esouwäit et méiglech ass awer doheem ze bleiwen an de Kontakt zu anere weiderhin ze beschränken.

Dat stellt d‘Bevëlkerung, déi mat dëser Kris jo och iwwerfuerdert ass, viru Problemer a werft och Froen op. Si dinn sech nach eppes schwéier den Ausmooss ze begräifen, sinn sech awer och bewosst, datt si sech eleng duerch d‘Kris musse schloen. D‘Schoulen an d‘Moscheeë bleiwen zou, sportlech a kulturell Evenementer bleiwen an der Paus, an d‘Sanctuairen dierfen net besicht ginn.

mat IMMeC

Foto: Och am Iran gëtt intensiv u medezinesche Projeten zur Ofwier vum Coronavirus Covid19 geschafft. Hei ginn déi serologesch Tester virbereet, déi méiglechst séier an den Asaz komme solle, fir datt och déi iranesch sanitär Déngschter sech ee bessert Bild vun den Infektiounen an enger méiglecherweis schonn agetrueden Immuniséierung, maachen ze kënnen. © Hamed Ataei/mizan (the Iran Project)

Ähnlech Sujeten Ajatollahen, Coronavirus, Covid19, Iran, Teheran, US-Sanktiounen
Nächsten Artikel Virrechten Artikel