Sichen

Dir kéint och nach folgende gefalen

Rousegäertchen: Feier am ënnerierdesche Parking!
Money Neiegkeeten

Rousegäertchen: Feier am ënnerierdesche Parking!

Gëschter huet beim CGDIS den Telefon net ze mann geschellt.

money
Google séchert sech 34 Hektar zu Biissen
Money Neiegkeeten

Google séchert sech 34 Hektar zu Biissen

Um Méindeg ass Bewegung an den Dossier „Google-Datenzenter“ komm. Dat

Yumm Festival: Du bestëmms wéi e Food-Truck dee beschten ass
Money Neiegkeeten

Yumm Festival: Du bestëmms wéi e Food-Truck dee beschten ass

Haut (an dat nach bis e Samschdeg) fënnt um Kierchbierg,

money

Coronavirus: Bis ewell kee wirtschaftlechen Impakt op Lëtzebuerg

Coronavirus: Bis ewell kee wirtschaftlechen Impakt op Lëtzebuerg

Säit de Coronavirus sech an der Welt ausbreet, an esou net nëmme méi Zentralchina am Fokus vun de Gesondheetsdéngschter ass, ginn d‘Leit onroueg an net nëmmen déi. De Covid19, wéi de Virus am offizielle Jargon bezeechent gëtt, huet mëttlerweil och Auswierkungen op d‘Ekonomie.

Iwwerall op der Welt sinn d‘Bourse vun de Konsequenze vum Coronavirus affektéiert. Der Grond: a China besonnesch, mee och op anere Plazen an der Welt si ganz Produktiounsberäicher ugehale ginn, an dat mëssfällt besonnesch den Aktionären, erfreet anersäits awer nees d‘Spekulanten. Datt duerch d‘Verbreedung vun der Infektiounskrankheet eng Rei Geschäftsberäicher zolidd betraff sinn, dat léist sech awer net vun der Hand weisen.

Betraff sinn an éischter Linn all Aktivitéiten am global grenziwwerschreidende Verkéier (Transport, Logistik, Tourismus, asw.). D‘Bourse vu Frankfurt, London, Madrid Paräis an Zürech hunn iwwer 3% verluer, zu Mailand esouguer iwwer 4%. Den Index „EuroStoxx50“ vun der Eurozon huet 3,6% hänke gelooss. An Asien ass d‘Situatioun eppes méi ugespaant an a China besonnesch. Esou hunn d‘Bourse vun Hong Kong a Shanghai héich Verloschter ze verbuchen, Shanghai dogéint hält sech.

Fir den neie Wirtschaftsminister Franz Fayot (LSAP) bestett zur Stonn awer kee Grond sech hei am Land Suergen ze maachen. Wuel hätt d‘Land eng ganz „oppe“ Wirtschaft, déi eis geféierlech kéint ginn, mee den Ament géif et keng Unzeeche vun engem Impakt op ei Lëtzebuerger Konjunktur. Et géif awer d‘Lag ganz genee am A behalen, well déi séier evoluéiere kann. Dowéinst bleift een och am stännege Kontakt mam „Héije Kommissariat zum nationale Schutz“ (HCPN).

De Minister weist nach drop hin, datt zur Stonn keng Lëtzebuerger Entreprise eng Demande fir „Kuerzaarbecht“ agereecht huet, déi an Zesummenhang mat dem Coronavirus ze brénge wier. De Franz Fayot preziséiert weider, datt awer de Secteur vun de Loftfracht, deen zur Zäit am stäerkste betraffenen ass, woubäi dat virauszegesi war. Zudeem ass et am Kontext vum chineseschen Neijoer generell eppes méi roueg an der Loftfracht.

An iwwert dëse Wee ass da logescherweis och d‘POST Lëtzebuerg eppes impaktéiert. Well kaum nach Wueren aus China antreffen, hu eng Rei leit misse mat aneren Aufgabe vertraut ginn, esou de Minister. Sollt sech aus wirtschaftlecher Siicht eppes doen, géif dat matgedeelt, esou de Ministère…

Illustratioun: © Markus Spiske / unsplash

Ähnlech Sujeten Coronavirus, Covid19, Ekonomie, Fränz Fayot, SARS-CoV2, Wirtschaft
Nächsten Artikel Virrechten Artikel