Sichen

Dir kéint och nach folgende gefalen

Zu Mamer gëtt nees gebaut
Neiegkeeten

Zu Mamer gëtt nees gebaut

An der Gemengerotssëtzung vum leschte Méindeg, gouf ee ganz interessante

D‘Schueberfouer installéiert sech um Glacis an d’Busser mussen sech upassen
Neiegkeeten

D‘Schueberfouer installéiert sech um Glacis an d’Busser mussen sech upassen

An e puer Deeg erreecht den August seng Halbzeit, an

Den Ernie Hammes mam „Regiis Ostium“ zum groussherzogleche Gebuertsdag!
Neiegkeeten

Den Ernie Hammes mam „Regiis Ostium“ zum groussherzogleche Gebuertsdag!

De Selektiounscomité huet den Ernie Hammes als Komponist vum musikalesche

Covid-19: Wéi gesäit et mat der Landwirtschaft aus?

Covid-19: Wéi gesäit et mat der Landwirtschaft aus?

Zesumme mat de 26 europäesche Landwirtschaftsministeren huet de Romain Schneider der europäescher Kommissioun eng gemeinsam Deklaratioun virgeluecht, fir esou dem Secteur vun der Landwirtschaft zur Zäit vun der Coronakris den néidege Stellewäert ze ginn. Schliisslech suergt d’Landwirtschaft a ganz Europa fir d’Liewensmëttelversuergung an déi domat verbonne Liewensmëttelsécherheet.

Duerch d’Dauer an den Impakt vun der sanitärer Kris komme potentiell och uerg Folgen op déi europäesch Baueren duer. Ma grad d’Landwirtschaft gëtt elo, wéi och an Zukunft fir eist Iwwerliewe gebraucht. An dësem Kontext ruffen d’Ministeren elo och d’Memberstaaten op, zesummen a Solidaritéit ze schaffen.

An eppes si sech d’Landwirtschaftsministeren eens: Et mussen dréngend déi noutwenneg a responsabel Moossnamen aktivéiert ginn, fir esou de Maart ze ënnerstëtzen. Net nëmmen spillen d’Baueren eng essentiell Roll wärend der Coronakris, fir esou d’Liewensmëttelsécherheet ze garantéieren, mee och fir d’Ëmwelt an d’Gestioun vun der ländlecher Géigend ass hir Aarbecht vu grousser Wichtegkeet.

Um 15. Abrëll huet Lëtzebuerg och un der spezieller Videokonferenz vun der OECD zum Thema Covid-19 deelgeholl. Heibäi goung et virun allem iwwert d’Auswierkunge vum Virus op d’Liewensmëttelketten an déi politesch Moossnamen, déi vun de Memberlänner virgesi ginn.

D’Organisatioun vun der Kooperatioun an der wirtschaftlecher Entwécklung gouf beoptraagt fir den Impakt vum Covid-19 op d’Liewensmëttelketten ze analyséieren, fir esou déi vulnerabel Punkten ze identifizéieren an d’Konsequenzen vun der Kris um internationalen Niveau festzestellen.

Aktuell gëtt eng detailléiert Analys am landwirtschaftleche Secteur zu Lëtzebuerg duerchgefouert. Esou wëll ee schnell déi noutwenneg Äntwerten op d’Kris bidden.

Wéi ee gesäit, kréie mir keng kloer Fakten, wéi dem landwirtschaftleche Secteur gehollef gëtt. Ganz nom Motto „mir këmmeren eis drëm“ gëtt fir Berouegung gesuergt. Ma, et geet heibäi awer ëm eist Iwwerliewen an de Baueren hir Existenz. Heizou huet d’CSV-Fraktioun sech mat Direktmoossname geäussert.

Ähnlech Sujeten Coronakris, Covid-19, Ernierung, Europäesch Kommissioun, Existenz, Iessen, Landwirtschaft, Liewensmëttelketten, Liewensmëttelsécherheet, OECD
Nächsten Artikel Virrechten Artikel