Sichen

Dir kéint och nach folgende gefalen

D’Steewoll Fabrick muss net onbedéngt der Ëmwelt schueden
Neiegkeeten

D’Steewoll Fabrick muss net onbedéngt der Ëmwelt schueden

D’Steewoll-Fabrick steet, zesummen mat der Joghurt-Fabrick, weider an der Diskussioun.

surprise
Den SEW-OGBL start seng Campagne #echwieremech
Neiegkeeten

Den SEW-OGBL start seng Campagne #echwieremech

Beim Syndikat Erzéiung a Wëssenschaft am OGBL zerbrécht ee sech

Jumanji: Welcome to the Jungle hätt kënnen e richteg faule Film ginn. Zum Gléck goufen di richteg Decisioune getraff
Neiegkeeten

Jumanji: Welcome to the Jungle hätt kënnen e richteg faule Film ginn. Zum Gléck goufen di richteg Decisioune getraff

Se waren net sou faul, wéi se sech et hätte

COVID-19: Research Luxembourg mobiliséiert sech

T'geet ëm d'Bereetstelle vun Apparaten a Spezialisten, d'Ënnerstëtzung vum Personal an de Spideeler, wëssenschaftlech Etüden

COVID-19: Research Luxembourg mobiliséiert sech

Duerch déi aktuell Coronakris mobiliséiert Research Luxembourg, eng Initiativen vun den Haaptacteure vum ëffentleche Fuerschungssecteur zu Lëtzebuerg, säi Wëssen, Personal a Material. Een Task Force ass ageriicht ginn, fir dem Gesondheetssystem déi ganz Expertis vu Lëtzebuerg (LIH, LISERLIST, LNS, Uni.lu, FNR, ënnert der Koordinatioun vum Héichschoul- a Fuerschungsministère) zur Verfügung ze stellen.

D’Aufgabe vum Aarbechtsgrupp sinn:

  • D’Koordinatioun vun der Ënnerstëtzung vum Gesondheetswiesen an der Regierung duerch déi national Fuerschungsgemeinschaft, fir déi aktuell COVID-19-Pandemie anzedämmen;
  • Hëllef bei der Identifizéierung an Zentraliséierung vun diversen Aktivitéiten an dobäi d’Notzung vum secteuriwwergräifende Fachwëssen an de Beräicher Molekularbiologie, Epidemiologie, klinesch Etüden a Grondlagefuerschung;
  • Kontaktplaz tëscht dem nationale Fuerschungsekosystem, dem Gesondheetswiesen an den Autoritéiten.

Ervirzehiewe sinn och déi dräi Haaptberäicher, déi den Task Force ënnert anerem behandele wäert:

  • Prävalenzetüd, fir d’Ausmooss vun der Verbreedung vum Virus an d’Zuel vun asymptomatesche Persounen ze beuerteelen;
  • Eng Etüd fir Risikofacteuren ze identifizéieren, déi de Krankheetsverlaf negativ beaflossen;
  • Simulatiounsetüden zum Verlaf, Impakt an der Ausbreedung vun der COVID-19-Pandemie, déi besonnesch op kuerz- oder mëttelfristeg Projektiounen an d’Ermëttlung vu méiglechen Iwwergangspunkten ofziilt, un deenen d’Ausgangsbeschränkunge méiglecherweis nees méi labber gemaach oder souguer zeréckgezu kënne ginn.

An de vergaangenen Deeg konnte schonn immens konkreet Moossnamen ergraff ginn. Heizou gehéiert zum Beispill, datt Fuerschungsariichtungen hiert Fachpersonal a Material zur Verfügung stellen. An dësem Zesummenhang ass besonnesch d’Mobiliséierung vun den zukünftegen Dokteren, déi aktuell déi sougenannt „formation spécifique en médicine générale“ absolvéieren, ze nennen.

Vill vun dësen zukünftegen Generalisten hu sech scho bereet erkläert, d’Fleegepersonal a véier Spideeler vum Land ze stäerken. Fir dës Initiativ méiglech ze maachen huet d’Regierung mat Ënnerstëtzung vun der Uni.lu an den Dokteren, déi un der Formatioun bedeelegt sinn, schnell déi entspriechend Bedingungen ugepasst an noutwenneg Moossnamen ergraff, fir den Asaz vun dëse Fräiwëllegen un de kommenden Deeg ze erméiglechen. Och Fleegepersonal, dat normalerweis Fuerschungsetüden begleet, sou wéi Medezinsstudenten wäerten zur Ënnerstëtzung vum Spidolspersonal weidergebilt ginn.

Weltwäit hunn d’Regierungen an d’Fuerschungsfërderer bewierkt, datt bal all wëssenschaftlech Daten a Verëffentlechungen zu COVID-19 an digitaler Form fräi verfügbar sinn. Dës Daten sinn eng wäertvoll Quell, déi elo fir Text- an Data-Mining mëttels kënschtlecher Intelligenz zougänglech ass. Lëtzebuerg verfüügt an genau dësem Beräich eng iwweraus staark Expertis.

Fir d’Beméiungen ze beschleunegen, wéi och nei Iddien a Kooperatiounen tëscht de Fuerscher ze fërderen, wäerte weider Mëttel vum Nationale Fuerschungsfong (FNR) bereetgestallt ginn. D’Situatioun fuerdert schnell Handlungen.

Matgedeelt vu Research Luxembourg, dem Ministère fir Héichschoulwiesen a Fuerschung – Iwwersat vum Shari Pleimelding/moien.lu

Opmaacherfoto: © ThisisEngineering RAEng / Unsplash

Ähnlech Sujeten Coronavirus, Covid-19, Ënnerstëtzung, FNR, Fuerschung, LIH, LISER, LIST, Pandemie, Research Luxembourg, Spidol
Nächsten Artikel Virrechten Artikel