Search

You may also like

Esch 2022: Et muss sech elo och nees de Kultur zougewennt ginn
Neiegkeeten

Esch 2022: Et muss sech elo och nees de Kultur zougewennt ginn

Zu Esch-Uelzecht ass ee beméit nees esou eppes Normalitéit ze

Déi ekologescht Autoscourse am Grand-Duché
Neiegkeeten

Déi ekologescht Autoscourse am Grand-Duché

Wann d‘Gemeng Déifferdeng seng Aluedung zum „En Dag wéi fréier“

Coronavirus: Wéi gesäit et fir Afrika aus? (just esou e Gedanken)
Neiegkeeten

Coronavirus: Wéi gesäit et fir Afrika aus? (just esou e Gedanken)

Och vum sougenannte schwaarze Kontinent, der Schatzkummer vun den industrialiséierte

Covid19: D‘Horesca maximal alarméiert

Covid19: D‘Horesca maximal alarméiert

Nodeems de Premierminister schonn e Freidegmueren eng Sëtzung vum Regierungsrot annoncéiert hat, an da gëschter Owend bestätegt ginn ass, datt et nach haut zu enger Drénglechkeetssëtzung vun der Regierung kënnt, ass de Beruffsverband vun de Cafetieren a Restaurateuren zolidd beonrouegt.

De Xavier Bettel huet jo däitlech gemaach, datt et no enger Concertatioun mat den Experten an der begleedender Sëtzung vum Regierungsrot, kéint zu enger Verschäerfung vun de scho bestoende Moossname kommen. Schold um ganzen ass déi besuergnesereegend Zounam vun de Covid19-Neiinfektiounen. D‘Horesca behält natierlech och d‘Entwécklung an de Nopeschlänner am A.

Esou hunn d‘Belsch de gesamten Horesca-Secteur op en neits fir véier Wochen an de Lockdown gesat, bei de Fransouse gëtt et eng Spärstonn a weider drastesch Mesuren an der Gastronomie, an och déi aner Säit der Musel, ass de Beräich Gastronomie am Zentrum vun de Mesuren. Woubäi Däitschland jee no Regioun ënnerschiddlech an deels inkoherent agéiert. Dat ass net Hëllefräich.

Am Communiqué vun der Horesca heescht et, datt een en onmëssverständlechen Appell un déi vill Membere geriicht hätt, déi sanitär Reegele strikt (à la Lettre) anzehale fir eng zweet Schléissung ze verhënneren. Et wier elo egal, op et zu enger kompletter oder nëmme partieller Fermeture komme kann, well déi wier fir ganz vill Entreprise finanziell net méi duerchzestoen. Et ass een alarméiert.

Bei der Horesca ass d‘Suerg zudeem och aus deem Grond grouss, well et nach ëmmer därer gëtt, déi mengen d‘Reegelen no eegener Appreciatioun auszeleeën. Déi géifen der grousser Majoritéit, déi sech de Moossnamen am vollem Ëmfang ugeholl hunn, maximale Schued maachen. Mee och d‘Cliente sinn opgeruff, wa schonn net aus Iwwerzeegung, sech aus Solidaritéit un d‘Reegelen ze halen.

Illustratioun: © Dan Burton / unsplash

Related topics Covid19, Gesondheetsministesch, HORESCA, Neiinfektiounen, Paulette Lenert, Premierminister, Regierungsrot, Xavier Bettel
Next post Previous post