Sichen

Dir kéint och nach folgende gefalen

E Buergermeeschter a säi Mea-Culpa
International Money Neiegkeeten

E Buergermeeschter a säi Mea-Culpa

De Buergermeeschter (a gréngen Deputéierten) vun Déifferdeng gëtt vun den

US-President hieft Landminneverbuet op
International Money Neiegkeeten

US-President hieft Landminneverbuet op

Et war de Barack Obama, deen sech agesat hat fir

D‘EU-Parlament an de Viktor Orban: E géigesätzlecht Rechtsverständnes
International Money Neiegkeeten

D‘EU-Parlament an de Viktor Orban: E géigesätzlecht Rechtsverständnes

Et dierft keen agreabelen Dag fir d‘EU-Deputéiert zu Stroossbuerg ginn.

money

Wann d‘USA d‘Regelen net festleeën, da gëtt et keng Regelen

Japan: Besteierung vun Internetgiganten ass Thema vum G20-Sommet vun de Finanzminister

Wann d‘USA d‘Regelen net festleeën, da gëtt et keng Regelen

Zu Bréissel huet d‘EU-Kommissioun ewell widderholl op eng Reguléierung a Besteierung vun de groussen Entreprisen aus dem Internet (an éischter Linn déi sougenannt GAFA) gepocht an ass un den USA gescheitert. Frankräich léisst awer net labber, an bréngt dëst kriddelegt Thema beim G20-Sommet a Japan nees an d‘Gespréich. D‘Amerikaner maachen een op „beleidegt“.

Beim Meeting vun den 20 wichtegsten Industrie- a Schwellelänner zu Fukuoka (Japan) huet de franséische Finanzminister, Bruno Le Maire, op e neits d‘Besteierung vun den Internetentreprise gefuerdert. An sollt méiglechst „zäitno“ ëmgesat ginn, woumatter eng Léisung nach an dësem Joer – zumindest wat eng Mindeststeier ugeet – soll fonnt ginn. Am Gespréich stinn dräi Prozent…

Wann de Fransous am Amerikaner en zolitte Géigner fonnt huet, esou si seng EU-Partner oder net wierklech hëllefräich. Eng EU-Digitalsteier ass mat deene ganzen Nationalisten an EU-Skeptiker net ze maachen, firwat Frankräich dënn „eegene Wee“ geet a vun den Internetentreprisen eng 3%-Steier verlaangt. Géif et en internationale Konsens, wier e bereet mat sech schwätzen ze loossen.

Ouni d‘USA keng Steier

Elo huet de Bruno Le Maire vollkomme Recht vu Google, Amazon, Facebook an Apple (GAFA) fir déi stellvertriedend ze ernimmen, Steieren ze verlaangen. Wann et awer sollt zu engem international harmoniséierte Verfare sollt kommen, geet dat net ouni d‘Zoustëmmung vun den Amerikaner. Dat awer léisst dem Trump seng „America First“ Politik net zou an do läit d‘Kromm an der Heck.

De Steven Mnuchin, deen Digital esou bewandert, wéi den Donald Trump en diplomatescht Genie ass, huet de Fransous net gären a mat der Aart a Weis wéi de Bruno Le Maire d‘Saach ugeet kann hien net averstane sinn. Woubäi hien enger séierer Léisung net ofgeneigt ass, wann se vun him virgeluecht gëtt, woufir et allerdéngs och e Konsens brauch. An do steet fest: dee wäert et net ginn!

Et kënnt esoubal nach net zu enger Besteierung vun de GAFA. Dofir missten sech op mannst déi 7 wichtegst Industrienatiounen eens ginn, wat schonn aus geostrategeschen Iwwerleeungen net ze maachen an och mat der US-Aussepolitik verknäppt ass. Et wier awer héich Zäit elo endlech eppes an dëser Hisiicht ze ënnerhuelen. Och d‘GAFA hunn e faire Beitrag ze leeschten. Basta!

mat indymedia/fuk/par/was

Foto: © City of Fukuoka

Ähnlech Sujeten Bruno Le Maire, Digitalsteier, Frankräich, Fukuoka, G20-Finanzminister, G20-Sommet, Japan EU, Steven Mnuchin, USA
Nächsten Artikel Virrechten Artikel