Sichen

Dir kéint och nach folgende gefalen

money
OGBL: „Wann eng Mindestlounerhéijung elo net dran ass, wéini dann?“
Neiegkeeten

OGBL: „Wann eng Mindestlounerhéijung elo net dran ass, wéini dann?“

Um Dënschdeg huet de nationale Comité vum OGBL éischt Fortschrëtter

Affär Epstein: Hu seng Giischtercher gepennt statt uecht ze dinn?
Neiegkeeten

Affär Epstein: Hu seng Giischtercher gepennt statt uecht ze dinn?

Eigentlech ass et en Trappewitz vun der Geschicht, an déi

Aktiounswoch fir de Klima: Den OGBL ënnerstëtzt dëse Schrëtt!
Neiegkeeten

Aktiounswoch fir de Klima: Den OGBL ënnerstëtzt dëse Schrëtt!

Fir d’Woch vum 20. September op de 27. September rifft

D’ADR – Fraen: Richteg Politik fir d’Fraen amplaz e falsche Streik!

Ee Kommentar um internationale Fraendag

D’ADR – Fraen: Richteg Politik fir d’Fraen amplaz e falsche Streik!

D’ADR Frae wënschen haut alle Fraen e ganz schéine Feierdag! De Fraendag ass ëmmer eng Geleeënheet fir drun ze denken an ze erënneren, wéi vill Wichteges, Schéines a Wäertvolles d’Fraen eiser Gesellschaft schenken. Dowéinst ass et gutt, wann dësen Dag eng Geleeënheet bitt, besonnesch där weiblecher Hallschent vun der Mënschheet déi verdéngten Unerkennung ze ginn!

D’ADR Frae sinn iwwerzeegt, datt et wichteg ass, datt d’Leeschtung an d’Aarbecht vun de  Fraen hir gerecht Unerkennung fannen. Dozou gehéiert natierlech och d’Aarbecht an d’Präsens vun enger Mamm an hirer Famill, déi besonnesch fir hir Kanner onendlech wäertvoll ass. De Fraendag ass fir d’ADR-Fraen och ëmmer en Dag un dem ee muss un d’Mammen an d’Bomien denken an hinne Merci soen.

De Fraendag däerf awer net dozou instrumentaliséiert gi fir Fraen a Männer géinteneen opzestëppelen! D’ADR Frae sinn dobäi och iwwerzeegt, datt vill Beruffer an eiser Gesellschaft méi Unerkennung géinge verdéngen, och an der Fleeg, am Gesondheetssecteur an an den Hygiènesberuffer. Dat betrëfft ganz bestëmmt vill Fraen, awer eben och vill Männer déi a schwéieren a schlecht bezuelte Beruffer schaffen. D’ADR Fraen si fir eng Sozialpolitik déi all deene Leit e gerechte Loun a mënschlech Aarbechtsbedingungen offréieren.

Dowéinst ass e Streik um Fraendag dee falsche Wee: et sinn eben net nëmme Frae vun esou soziale Problemer betraff! Wann ee mat esou eesäitege Fuerderungen an Aktioune probéiert dem Fraendag nach eng Existenzberechtegung als e “Kampfinstrument” ze ginn, ass kloer datt den Dag seng Existenzberechtegung ka ganz séier verléieren. D’Frae sinn haut gläichberechtegt an dat wat viru ville Joren gerechterweis gefuerdert gouf ass haut realiséiert.

Elo geet et drëm d’Fraen an d’Männer fräi an eegebestëmmt liewen ze loossen! D’ADR-Frae sinn dowéinst fir de Choix: eng Fra déi sech wëll ganz hirer Famill consacréieren, soll dowéinst net kritiséiert oder esou guer vun der Politik bestrooft ginn! D’ADR- Fraen si familljefrëndlech an ënnerstëtzen dowéinst d’Aféierung vum ADR -Elteregeld dat de Fraen déi néideg materiell Ofsécherung gëtt fir kënnen, wa si dat wëllen, ganz fir hir Famill do ze sinn!

Matgedeelt vun ADR-Fraen
Opmaacherbild © Miguel Bruna / Unsplash

Ähnlech Sujeten ADR-Fraen, Existenzberechtegung, Famill, Fraestreik, Gesondheetssecteur, Internationale Fraendag, Unerkennung
Nächsten Artikel Virrechten Artikel