Sichen

Dir kéint och nach folgende gefalen

Nei Regierung: Si hunn den Eed ofgeluecht
Neiegkeeten

Nei Regierung: Si hunn den Eed ofgeluecht

E Mëttwoch ass déi nei Regierung vum Groussherzog vereedegt ginn,

Kalifornien verbrennt am gréisste Feier vu senger Geschicht
Neiegkeeten

Kalifornien verbrennt am gréisste Feier vu senger Geschicht

Iwwer 14.000 Pompjeeën aus ganz Amerika, an esouguer Australien an

Parlamentaresche Bilan vun déi Lénk: Eng reell Oppositioun
Neiegkeeten

Parlamentaresche Bilan vun déi Lénk: Eng reell Oppositioun

Während d‘Koalitiounsregierung no de Stäre gräift, hunn sech déi lénk

D‘Ageständnis vum Emmanuel Macron

„Et ass mir net gelongen dat franséischt Vollek mat sengen Dirigenten ze reconciliéieren!“

D‘Ageständnis vum Emmanuel Macron

Am Interview mat der franséischer Televisiounschaîne TF1, huet sech e Mëttwoch den Emmanuel Macron missen agestoen, datt et him net gelongen ass dat franséischt Vollek mat sengen Dirigenten ze reconciliéieren. Hie ass der Meenung, et kéint dorunner leien, datt de Pouvoir hinnen net genuch Zouwendung bruecht huet.

„Eis Matbierger wëllen haut dräi Saachen: Zouwendung, Schutz a Léisungen. Si kënne mat den Deklaratiounen näischt ufänken, si verlaangen no Léisungen. D‘Zouwendung, dovunner hu mir es net genuch ginn“, esou de franséische President live, vum Fligerträger Charles de Gaulle.

Den Emmanuel Macron, ass an de Sondage bei sengem Vollek „ënnen duerch“, huet gesot datt hie gewëllt ass „d‘Fransousen ze héieren“, „méi no un si erunzetrieden, vläicht op eng aner Manéier entscheeden. Net alles zu Paräis. Sech méi exposéieren. An eis administrativ Direkteren, Ministeren an déi wou se beroden, opfuerderen, sech méi um Terrain ëmzekucken“.

„Zouwendung, datt ass wann een héiert datt d‘Leit sech bekloen, wann een se bei der Verännerung begleet ginn an ee se respektéiert“, esou de Staatschef, deen sech esou muench Kritik huet misse gefale loossen, wéinst senger Aart d‘Leit vun „uewen erof“ ze behandelen.

Versöhnung ass en haart Geschäft

De 4. Oktober war den Emmanuel Macron zu Colombey-les-Deux-Eglises vun enger Rentnerin interpelléiert ginn, déi him hir Pensioun ënnert d‘Nues geriwwen huet. Eng aner huet de President op d‘Geschwindekeetsbegrenzung (80 Km/H op Landstroossen) ugeschwat.

Als Äntwert huet den Emmanuel Macron de fréiere Staatschef, Charles de Gaulle, zitéiert: „Dir dierft ganz fräi schwätzen, dat eenzegt wat een net dierf maachen, ass sech beschwéieren. (…) d‘Land géif sech anescht halen, wann et esou wier“. Domatter hat sech de franséische President keng nei Frënn gemaach, an dofir elo säin „mea culpa“.

„Dës Reconciliatioun tëscht der Basis an der Spëtzt, ech consideréieren, dat et mir net gelongen dat hinzekréien. An et ass fir mech am Mëttelpunkt vun deem wat mech déi nächst Méint erwaart. (…) Richteg et ass en immense Programm, an dee fuerdert d‘Mobiliséierung vun der ganzer Natioun“.

Foto: De franséische President Emmanuel Macron zu Besuch um Fligerträger Charles de Gaulle, deen elo no 18 Méint „Maintenance-Aarbechten“ nees „operationell“ ass. © Christophe Simon/AFP

Ähnlech Sujeten Charles de Gaulle, Emmanuel Macron, Fligerträger, Fransousen, Versöhnung
Nächsten Artikel Virrechten Artikel