Search

You may also like

D‘Lag an den Alters- a Fleegeheemer ass besser wéi geduecht
Meenung Neiegkeeten

D‘Lag an den Alters- a Fleegeheemer ass besser wéi geduecht

An der Sëtzung vun der Chamberkommissioun fir Famill an Integratioun,

De Lëtzebuerger Science Center als féierend europäesch Ariichtung
Meenung Neiegkeeten

De Lëtzebuerger Science Center als féierend europäesch Ariichtung

Den 21 September 2018 huet de Regierungsrot seng Zoustëmmung zum

De September op Netflix: Léift, Drogen a… Päerd?
Meenung Neiegkeeten

De September op Netflix: Léift, Drogen a… Päerd?

En neie Mount heescht neie Stoff op Netflix. Wéi scho

D‘Bevëlkerung schützen ouni de Schutz vun de Salariéeën ze afferen

D‘Bevëlkerung schützen ouni de Schutz vun de Salariéeën ze afferen

Mam Fortschreide vun der globaler sanitärer Kris, verstäerken sech och d‘Moossnamen, mat deenen d‘Regierunge reagéieren. Am Géigesaz zu anere Länner, goufen zu Lëtzebuerg bis ewell verstänneg Entscheedunge getraff, déi virun allem drop ausgeriicht waren, d‘Kontagiounspotential vum Virus ze verréngeren. déi lénk begréissen zudeem d‘Initiative vun der Regierung zur Ënnerstëtzung vu de Lounofhängege, Independanten a Betriber während der Kris.

Gläichzäiteg lehne mir awer de Virstouss vum Aarbechtsminister Dan Kersch of, d‘Aarbechtszäit op 60 Stonne/Woch, respektiv op 12 Stonnen/Dag unzehiewen. Och wann am Gesondheetswiesen den Ausnamezoustand herrscht an et novollzéibar ass, datt hei d‘Aarbechtsrecht kuerzzäiteg gelackert muss ginn, esou gëllt dat net fir aner Beräicher, wéi beispillsweis den Eenzelhandel. Esou geet een alen Dram vum Patronat en Erfëllung, géint dee sech d‘Gewerkschafte verständlecherweis wieren.

Schléit d‘Regierung hei eendeiteg iwwert d‘Sträng, esou geet se an anerer Beräicher net wäit genuch, fir déi sozial Konsequenze vun der Kris ze begrenzen. déi lénk befierchten datt virun allem déi Mënschen am Niddreglounsecteur, wéi och déi a prekären Aarbechtsverhältnisser, hir Liewensgrondlag verléiere kéinten.

„Vill Mënsche fäerten ëm hir Existenz wann net esouguer ëm hiert Liewen, well se kënnen net all am geschützten Homeoffice schaffen. Zur Suerg sech mam Virus ze infizéieren, kënnt esou d‘Angscht derbäi, d‘Aarbechtsplaz an/oder d‘Wunneng opgrond ekonomescher Enkpäss ze verléieren, Hei geet et net duer, op de gudde Wëllen an d‘Solidaritéit vun alle Bedeelegten ze setzen, wéi déi befriemlech Aussoe vum President vun der „Union des Propriétaires“ et rezent, frappant ënner Beweis gestallt huet“, esou d‘Carole Thoma.

déi lénk fuerderen aus dësem Grond a fir d‘Dauer vun der Kris:

  • Déi staatlech finanzéierung vu 100% vum loun bei Kuerzaarbecht (plafonnéiert op den 2,5 fache Mindestloun);
  • e Verbuet vu Kënnegungen aus wirtschaftleche Grënn a deene Betriber, déi eng op d‘Kris bezunne staatlech Ënnerstëtzung erhalen;
  • d‘Entbannung vun der Aarbecht vu Salariéeë fir déi, déi gebuede Sécherheetsmoossnamen net kënnen ëmgesat ginn, dat verbonne mat engem Réckzuchsrecht bei vollem Lounausgläich;
  • d‘Entbannung vun der Aarbecht, verbonne mat engem Réckzuchsrecht bei vollem Lounausgläich (och fir Schäiselbststänneger);
  • déi direkt Schléissung vun de „grandes surfaces“ um Sonndeg.

Dës Regierung muss elo besonnen handelen, fir sécherzestellen, datt déi sanitär Kris, net och nach eng sozial Kris ausléise wäert.

Matgedeelt vun déi lénk, fräi aus dem Däitschen iwwersat vum Laure Schlesser

Illustratioun: © Adrian Deweerdt / unsplash

Related topics Aarbechtsrecht, Coronavirus, Covid19, déi lénk, Sanitär Kris, Schutzmoossnamen, Sonndegaarbecht
Next post Previous post