Search

You may also like

Autofestival 2019: Wichteg Warnungen a Rotschléi vum Konsumenteschutz
Kultur Neiegkeeten

Autofestival 2019: Wichteg Warnungen a Rotschléi vum Konsumenteschutz

Am Kader vum Autofestival 2019, réit de Konsumenteschutz (ULC) alle

ArcelorMittal als Invité vun de Chamberkommissiounen
Kultur Neiegkeeten

ArcelorMittal als Invité vun de Chamberkommissiounen

Mat dëser „Restrukturatioun“, sti ronn 20% vun den effektiven Aarbechtsplaze

Galerie: E Stroummast gëtt erneiert
Kultur Neiegkeeten

Galerie: E Stroummast gëtt erneiert

Wat fir deen een näischt Besonnesches ass, ka fir deen

De Kinneksbond invitéiert Iech op een Trip

... wien ass dobäi?

De Kinneksbond invitéiert Iech op een Trip

Jo, d’Hippie si lass. De Kinneksbond invitéiert Iech op eng eenzegaarteg Danzopféierung. D’Virstellunge sinn de 25. a 26. Februar 2021 um 20 Auer am Kinneksbond. Eng weider ass fir den 28. Februar 2021 um 16:30 Auer virgesinn.

Fënnef Dänzer an een Museker – déi sech am Hippie-Universum vun den 1960er an 1970er Jore befannen, ënnersiche verschidde Forme vu beweegungsloosem Reesen. Et geet, ënnert anerem ëm Entdeckungen déi de Wonsch reflektéieren, sech op eppes Onerwaartes anzeloossen. Aner Reese kënne spirituell sinn, dat hänkt ëmmer vun der Motivatioun vum Reesenden of. Op dës Manéier stellt een säi ganzen Alldag a Fro.

Wanderen, op Rees goen, heescht virun allem, sengem Bedürfnis no Fräiheet nozeginn. D’Routine lass ginn a selwer Meeschter iwwert Zäit ginn. Mee dat ass net sou einfach wéi geduecht. Dofir luet TRIP eis op dës Wanderungen an a proposéiert eis lasszeloossen. Kënne mir eis drop aloossen?

Et ass einfach fir anerer do ze sinn. Ëmmer verfügbar. Déi richteg Erausfuerderung läit bei sech selwer, dobäi d’Virwëtz oprecht ze erhalen. Dobäi geet et virun allem drëm, eng etabléiert Uerdnung a Fro ze stellen. Reese ka villes sinn: Entspanung, eng Flucht, eng Sich oder en Neiufank.

Am Fong kann e soen, datt d’Hippien deemools eis et virgemaach hunn. Dës Generatioun sou wéi hiert Universum a politescht Engagement, waren d’Inspiratiounsquell fir TRIP. Et geet virun allem ëm moralesch Wäerter an d‘Konsumgesellschaft – also ass d’Thematik nach ëmmer aktuell. Amplaz Karriär ze maachen, de Mars ze erueweren oder an de Krich ze zéien… d’Hippien hunn Léift gepriedegt a virgelieft.

Déi verschidde Kämpf – de Kampf géint Rassismus a Krich, weiblech Emanzipatioun an Ökologie ginn ëmmer méi relevant. Den Ausdrock “beweegungsloost Reesen” ass ee Paradox, an enger Welt déi anscheinend net roueg ka sinn. Duerch Fernsehsenderen, Mediatioun, Musek oder d’Liese vu Reesgeschichte wëlle vill Leit aus hiren eegene véier Wänn entkommen. A wann et nëmme fir ee Moment ass.

Reesen, ob geografesch oder intern, ass virun allem eng perséinlech Rees. Eng Sich no Identitéit. TRIP begleet eis op dëser Sich.

Weider Informatioune fannt Dir hannert dësem LINK

Foto: © Bohumil Kostohryz

Related topics Danz, Hippie-Beweegung, Kinneksbond, Kultur, Mamer
Next post Previous post