Search

You may also like

What the Fakt – Viru 27 Joer stierft de Freddie Mercury un AIDS
Neiegkeeten

What the Fakt – Viru 27 Joer stierft de Freddie Mercury un AIDS

Mëtt vun den 80er Joer erkrankt de Leadsänger vu Queen

Nordkorea: Offiziell nach keen Infektiounsfall
Neiegkeeten

Nordkorea: Offiziell nach keen Infektiounsfall

Datt säitens dem Regime vu Pyonyang bis haut keen eenzegen

Den Déiereschutz an der Verfassung verankeren
Neiegkeeten

Den Déiereschutz an der Verfassung verankeren

Aus Aktualitéitsgrënn ass d‘ADR un vergaangenen Donneschdeg op den Déiereschutz

„de Konsument“ vum Abrëll: Europa stäerkt d‘Rechter vun de Konsumenten

„de Konsument“ vum Abrëll: Europa stäerkt d‘Rechter vun de Konsumenten

Déi nei Ausgab vum „de Konsument“ vum Konsumenteschutz (ULC) ass erschéngen, an et ass wéi ëmmer eng wichteg an informativ Lecture déi iech hei erwaart. A wann een, wéi et e Spréchwuert undeit, scho senges eege Gléck Schmadd ass, ass e gutt beroden eppes vu senger Zäit an d‘Lecture vum „de Konsument“ ze investéieren.

An der Rubrik „Recht“: Är Froen – Eis Äntwerten, huet de juristesche Service sech nees mat de konkrete Froe vun de Memberen ausenanergesat. Rieds ass och vun der EU, an wéi si d‘Rechter vun de Konsumente stäerke wëll. Esou beispillsweis d‘Fuerderungen am Kontext vun der Transparenz vun de sougenannte „Marketplaces“, den Plattforme fir den Onlinehandel, mee och deene Plattformen, déi vu sech behaapten „Vergläicher“ unzestellen. Vill Interessantes also…

Woubäi een natierlech dierf drop opmierksam maachen, datt am Virfeld zu den EU-Wahlen, och „Bréissel“ sech vu senger Schockelassäit weise wëll, a zumindest den Effort undeite wëll, eppes am Sënn vum Konsument ëmzesetzen. Dee vun der EU-Kommissioun ugekënnegten „New Deal“ ass um Pabeier eng gutt Saach, mee et ass net gewosst, op no de Walen, dëse Projet nach Bestand huet.

Zanter elo iwwer 50 Joer, setzt sech d‘ULC fir de Konsument an seng Rechter an. Opklären a wou noutwenneg, agräifen, dat sinn déi primär Ziler vum Konsumenteschutz. Mee d‘ULC dréit och politesch – zum Beispill mat sengen Avisen zu Gesetzprojeten – Verantwortung. Dat méiglechst „Neutral“ mee ëmmer am Interessi vun der Allgemengheet am grousse Ganzen, an dem Konsument am besonneschen. Macht iech „Schlau“, kroopt iech „de Konsument“ a gitt Member vun der ULC.

An nach eng kleng Erënnerung: zanter dem 15 Januar, huet d‘ULC eng Berodungsstell an der CSL (Salariatskummer, 2-4 Pierre Hentges Strooss, Bouneweg) ageriicht. Hei kann ee sech Dënschdes vun 9 bis 13 Auer, an Donneschdes vun 13 bis 17 Auer, vum engem Conseiller berode loossen. Un den Ëffnungszäite vum Siège um Houwald huet sech näischt verännert.

Related topics De Konsument, Europa, Konsumenteschutz, Rechter, ULC
Next post Previous post