De Landwirtschaftsministère warnt: Histamin a Produiten aus dem Cactus Fëschrayon

De Landwirtschaftsministère warnt virum Konsum vu Produiten aus dem Cactus Fëschrayon. D‘Autoritéite sinn vun de Verantwortleche vum Cactus informéiert ginn, datt ee Verdacht besteet, datt folgend Produite mat Histamin kontaminéiert wieren:

Filet vum Thon „sashimi“ an Fësch-Brochetten (Natur oder Marinéiert) – aus dem Fëschrayon oder an der Barquette (DLC 14/04, 15/04, 16/04). Wien dës Produiten an engem Cactus tëscht dem 12. an dem 14. Abrëll kaaft hunn, sollen d‘Produiten net konsuméieren. D‘Produite kënnen an all Cactus zréckbruecht ginn, wou een dann och rembourséiert gëtt.

Eng héich Konzentratioun vun Histamin am Fësch, kann zu enger allergescher Reaktioun féieren. Wien ee vun de genannte Produite konsuméiert an allergesch Symptomer huet, soll en Dokter consultéieren an op de Konsum vum betraffene Produit hiweisen.

Déi allergesch Symptomer déi haaptsächlech optriede sinn: Otemnout, en offale vum Bluttdrock, Ausschlag, Iwwelzegkeet, Erbriechen, Kappwéi an Duerchfall. 100 Milligramm Histamin féiere schonn zu däitleche Vergëftungserscheinungen.