Sichen

Dir kéint och nach folgende gefalen

Um Krautmaart soll muer iwwer d‘Noutstandsgesetzer berode ginn
Neiegkeeten Stories

Um Krautmaart soll muer iwwer d‘Noutstandsgesetzer berode ginn

Mam Ausruffe vum nationalen Noutstand, deen op engem besonneschen Artikel

Journalisten am Fokus
Neiegkeeten Stories

Journalisten am Fokus

Alles huet mat engem Bréif un d‘Journalistin Anett Stelle, déi

What the Fakt – d’Gebuert vum Raiffeisen a säi Finanzmodell!
Neiegkeeten Stories

What the Fakt – d’Gebuert vum Raiffeisen a säi Finanzmodell!

Mat 38 Agencen am Grand-Duché gehéiert d’Raiffeisen-Bank och bei eis

De Lëtzebuerger Hunnegbéier

De Lëtzebuerger Hunnegbéier

Wann den Hunnegbéier elo net direkt eng „Nouveautéit“ ass, esou muss een d‘Aen awer scho gutt op hunn, fir dësem ze begéinen. Mam Béier-Adventskalenner ass een do däitlech am Virdeel, woubäi en ass op Lëtzshop och géint Geld erhältlech. Ënnert der Bezeechnung „De Beiefritz“ gëtt de Lëtzebuerger Hunnegbéier zu Déifferdeng bei „Good Beer Makes Good People“ gebraut.

Fir dëst besonnescht „Eppes“ brauch et vill Fangerspëtzegefill an déi richteg Ingredienten. Et ass mat héichwäertegem Malz an Huewerflacke geschafft ginn, an natierlech dem beschten Hunneg deen de Beiefritz vu senge fläissege Mataarbechterinne geliwwert kritt. De Beiefritz ass eng jonk Lëtzebuerger Entreprise déi 2015 zu Bus gegrënnt gouf an haut hire Sëtz zu Mutfert huet.

An wann et wéi hei och ëm de genoss vun engem exzellente Béier geet, esou gëtt gläichzäiteg grousse Wäert op de wiesensgméissen Ëmgang mat de Beie geluecht. Nohalteg an naturgetrei recoltéiert de Beiefritz den Hunneg. D‘Bei an den Ëmweltschutz hunn ëmmer Virrang. Dat mécht Sënn ugesiichts der Kenntnis wéi wichteg d‘Beie fir eisen Ekosystem an d‘Planzewelt ass.

Hunnegbéier

Hannert dem Beiefritz steet de Yannick Kihm, dat wichtegst sinn him d‘Beien, dann dat wat si bereet sinn him ze „liwweren“ fir datt mir dëse lecker Béierche genéissen kënnen. © Martine de Lagardère/moien.lu

Elo kann een duerchaus skeptesch sinn – an et soll een zuweilen och d‘Saachen hannerfroen – firwat de Beiefritz dem Konsument eng besonnesch Transparenz mam „Hunnegtracking“ ubitt. Domatter ass et méiglech den Hunneg bis zum Beiestand ze verfollegen. An esou huet een hei sécher emol Béier, awer och esou eppes wéi „Verantwortung“ an der Fläsch. Do bass de baff…

Mat dësem gëlle glänzende Genoss, dee mat 5,7% Alkoholgehalt awer nach sëffeg a virun allem immens erfrëschend ass, huet een d‘Bréck vum verantwortleche Konsument zum gesellege Krees geschloen. De Lëtzebuerger Hunnegbéier sollt ee mat enger Betribstemperatur vun 10°C genéissen. Hie bitt sech dann och iwwer Dësch un, am léifsten zu engem gehäerzte vegetaresche Plat.

Foto: © Martine de Lagardère/moien.lu

Ähnlech Sujeten Beiefritz, Béieradventskalenner, Hunnegbéier, La Punta
Nächsten Artikel Virrechten Artikel