Sichen

Dir kéint och nach folgende gefalen

angrydislike
Vu Selbstbestëmmung an Onofhängegkeet
Neiegkeeten

Vu Selbstbestëmmung an Onofhängegkeet

Wie si mir a virun allem wie sinn déi wou

Motivatioun fir Demokratie schafen
Neiegkeeten

Motivatioun fir Demokratie schafen

Um fréie Mëttwochowend war an der Escher Märei de Vernissage

cool
De Claude Meisch erkläert NEET de Krich
Neiegkeeten

De Claude Meisch erkläert NEET de Krich

Den Educatiounsminister Claude Meisch (DP) huet den Dënschden d’Resultater vun

D‘ADR schléit de Nol op de Kapp

D‘ADR schléit de Nol op de Kapp

„Wann een dem Pierre Gramegna gleewe soll, sinn d’Staatsfinanze kärgesond. Wien sech de Budget allerdéngs méi genee ukuckt, wäert schnell mierken, wéi d’Zuele manipuléiert goufen: Hei gëtt en Emprunt vun 1,3 Milliarden Euro als Haushaltsiwwerschoss duergestallt. D’Spezialfonge vun 1,7 Milliarden Euro besti just nach um Pabeier“, esou de Gaston Gibéryen.

Esou an net anescht denoncéiert d‘ADR eng „falsch Informatioun“, déi vun der Regierung gestreet géif ginn, fir d‘Bierger am Virfeld vun de Chamberwahlen ze täuschen. Dem Finanzminister Pierre Gramegna (DP) gëtt zudeem de Virworf gemaach, datt hien sech domatter bretzt, datt d‘Zuele vum Budget nach ni esou gutt gewiescht wieren, wat sech bei geneeër Betruechtung als Ligen erweist.

Eng konfus Kommunikatioun

D‘Staatsfinanze géifen net „éierlech“ duergestallt ginn, iergert sech d‘Reformpartei, firwat et néideg ass sech d‘Zuelen eppes méi genee unzekucken. Do stellt een da fest, de villes vun de Virwërf och zoutrëfft.

Mam Bezuch op e Communiqué aus dem Finanzministère (vum 22. Juni), an deem ze liesen ass, datt „le compte général 2017, établi selon les règles de la loi de 1999 sur la comptabilité de l’État, s’est clôturé avec un excédent de 1.352,9 millions d’euros, alors que le budget voté avait prévu un déficit de 850,9 millions d’euros“, wat zimlech konfus ass, well hei en Zesummenhang tëscht dem Budget an der Staats-Tresorerie gemaach gëtt.

Richteg misst et heeschen: „ Le compte général 2017, établi selon les règles de la loi de 1999 sur la comptabilité de l’État, s’est clôturé avec un excédent de 1.352,9  millions d’euros. Le budget voté avait prévu un déficit de 850,9 millions d’euros“. An hei preziséiert de Gaston Gibéryen dann och, datt d‘Tresorerie déi en Iwwerschoss opweist, och d‘Emprunte vun 2017 abegräift, an datt hätt elo awer guer näischt mam Budget ze dinn.

Vu Geld dat een nach net ausginn huet…

Do wou dem Deputéierte vun der Reformpartei dann endgülteg den Hutt héich geet, ass bei der Analys vun den Zuelen aus dem éischte Semester vum Budget 2018. An op e neits schléit d‘ADR de Nol op de Kapp. De Pierre Gramegna géif sech als Held vun der éischter Stonn presentéieren, a mat Zuele ronderëm sech geheien, déi alles am beschte Liicht erschénge loossen.

An de Gaston Gibéryen erkläert, datt wann de Finanzminister vu „gudde Resultater“ schwätzt, déi bescht déi et jeemools soll ginn hunn, dann huet dat ee ganz anere Grond, wéi dee wou ugefouert gëtt. Et wieren net all d‘Ausgaben opgehuewe ginn, entgéint deem wéi et no engem Exercice vu 6 Méint misst sinn. Also sinn déi virgestallten Zuele falsch, zumindest an der Interpretatioun.

Hei dierf een drun erënneren, datt sech de Pierre Gramegna an der Finanz- a Budgetskommissioun, iwwert den Iwwerschoss an Héicht vu 702,5 Milliounen Euro, esou wéi se Enn Juni aus den Zuele vum Budget „geholl“ gi sinn, gefreet huet. Wat hie sengerzäit net gesot huet, ass, datt nëmme 40,9% vun den ordinären Ausgaben, opgehuewe goufen.

Entsprécht net den Tatsaachen

Fir sengem Argument eng zolidd Grondlag ze ginn, huet den ADR-Deputéierten dann och Tabelle virgeluecht, an déi doranner enthalen Zuele ginn him Recht. Am Schnëtt leien, an dat zanter 2014, d‘Ausgabe bei 49% wann de Budget an d‘Halbzeit kënnt. Wann een sech awer beim „ophiewe“ vum Geld zréckhält, kann een esou e fantastesche Bilan virleeën, mengt de Gaston Gibéryen.

Elo huet dat awer zur Konsequenz, datt den Iwwerschoss, mat deem sech „gebretzt“ gouf, guer net besteet. Sécher, d‘Zuelen u sech si richteg, mä se loossen sech net méi mat de virechten Exercicer vergläichen. Géif een sech op d‘Moyenne beruffen, da misst um Enn vun der Tabelle en Defizit an Héicht vun 378,8 Milliounen Euro stoen, esou d‘Feststellung vum ADR-Deputéierten.

„An esou“, insistéiert de Gaston Gibéryen, muss betount ginn, datt „10% ënnerscheet am Budget eng Zomm vun 1,3 Milliarden Euro ausmaachen“. Hie schwätzt dann och vu Manipulatioun a freet sech firwat déi 10% Ausgaben net opgehuewe gi sinn.

Mee de Finanzminister ass net vu gëschter, an am RTL-Interview stellt hie pragmatesch fest, datt et sech hei ëm en Zoufall handelt, an en Zesummenhang mat de Chamberwahlen net ginn ass. Déi „Differenzen“ hätte mat saisonsbedingte Variatiounen ze dinn. Hie bleift dann och zouversiichtlech, datt Zuele vun dësem Joer gutt wäerte ginn.

mam Laure Schlesser

Ähnlech Sujeten adr, Budget, Chamberwahlen 2018, Gast Gibéryen, Pierre Gramegna
Nächsten Artikel Virrechten Artikel