Sichen

Dir kéint och nach folgende gefalen

Rotondes: Den offizielle Programm bis den 23. Februar
International Kultur Neiegkeeten

Rotondes: Den offizielle Programm bis den 23. Februar

Vu Kultur, Musek a Konscht, iwwert Konferenzen, Workshops an Atelieren

Rekordverdächteg Legislaturperiod um Krautmaart
International Kultur Neiegkeeten

Rekordverdächteg Legislaturperiod um Krautmaart

Déi (bal) ofgeschlosse Legislaturperiod war villes, mee mat Sécherheet net

Fréijoersgefiller zu Fluessweiler: 53 weider Beem fir de Bongert
International Kultur Neiegkeeten

Fréijoersgefiller zu Fluessweiler: 53 weider Beem fir de Bongert

Am Kader vum nationalen Dag vum Bam sinn an der Gemeng

De Poopst zelebréiert Chrëschtmetten

Dausende Gleeweger haten sech zu dësem Event op der Péitersplaz versammelt

De Poopst zelebréiert Chrëschtmetten

A senger Priedegt huet de Poopst Francis erkläert, datt eis Chrëschtdag drun erënnert, datt Gott all Mënsch gären huet, och dee schlëmmsten. D‘Léift vu Gott ass bedéngungslos: „Du kanns falsch Virstellungen hunn, du kanns alles Méigleches ugestallt hunn, mee den Här verzicht net drop dech ze léiwen“.

De Poopst huet dann och déi 1,3 Milliarde Katholiken op der Welt opgeruff, sech wéinst de Feeler vun der kathoulescher Kierch net vu Gott ofzewennen. Et géif keng Excuse, sech der Léift vu Gott ze verweigeren. „Wat och ëmmer falsch an eisem Liewe leeft, wat och ëmmer an der Kierch net geléngt (…) kann net weiderhin als Entschëllegung duerhalen…“.

PoopstD‘Chrëschte feiere op dësem Dag d‘Gebuert vum Reliounsstëfter Jesus Christus, an deem – esou wëll et de Glawen – Gott Mënsch ginn ass. Dozou de Poopst: „A Jesus huet sech Gott zum Kand gemaach, fir sech vun eis ëmäermelen ze loossen“.

Eng grouss Show

Et war 21.30 wéi de Poopst, hannert enger Prëssessioun vu gëlle bekleede Kardinäl, d‘Basilika betratt huet. Virun der Mass huet de Kierchemann eng Chrëschtkëndche-Figur enthüllt. 12 Kanner aus Irak, Italien, Japan, Kenia, Philippinnen, Uganda a Venezuela hu Blummen néiergeluecht.

Um Gottesdéngscht hunn Gleeweger aus der ganzer Welt deelgeholl. Och d‘Membere vum diplomatesche Corps waren zu dësem Zweck an d‘Basilika komm. Et war dann och schon dem Poopst Francis seng siwent Chrëschtmetten.

De fréieren Äerzbëschof vu Buenos Aires war am Mäerz 2013 zum Nofolger vum Benedikt XVI gewielt ginn. De Däitschen hat et virgezunn d‘Pensioun ze huelen an d‘Verantwortung weider ze reechen. Den traditionelle Segen „Urbi et Orbi“ gëtt et haut zur Mëttegstonn.

mat indymedia/rom

Foto: © Vatikan News

Ähnlech Sujeten Chrëschtdag, Chrëschtmetten, Poopst Francis, Vatikan
Nächsten Artikel Virrechten Artikel